Rašeńnie ab pavieličeńni padachodnaha padatku, chutčej za ŭsio, budzie pryniata. Pra heta zajaviŭ žurnalistam 17 vieraśnia namieśnik premjer-ministra Biełarusi Piotr Prakapovič, paviedamlaje BiełTA.
Pavodle jaho słoŭ, rašeńnie ab pavyšeńnie padachodnaha padatku z 12% da 13% abmiarkoŭvałasia i, chutčej za ŭsio, budzie pryniata. «Usie hrošy buduć nakiravany na siamju, na padtrymku dziaciej», - skazaŭ vice-premjer.
Adkazvajučy na pytańnie ab płanavanym pavieličeńni PDV i źnižeńni padatku na prybytak, Piotr Prakapovič adznačyŭ, što «zaŭsiody abmiarkoŭvajecca šmat varyjantaŭ».
«Kančatkovaje rašeńnie budzie pryniata na pasiadžeńni Prezidyuma Savieta Ministraŭ», - dadaŭ jon.
Na dumku vice-premjera, u cełym varta nie pavyšać padatki dla pradpryjemstvaŭ, a stvarać umovy, kab pradpryjemstvy stanavilisia bolš płaciežazdolnymi.
Raniej paviedamlałasia, što ŭrad razhladaje zakonaprajekt, jaki praduhledžvaje pavieličeńnie PDV z 20% da 22%, padachodnaha padatku z 12% da 13% i źnižeńnie padatku na prybytak z 18% da 15%.
Heta navina źjaŭlajecca udakładnieńniem naviny, jakaja vyjšła 17 vieraśnia.
Tady BiełTA paviedamiła, što Prakapovič zajaviŭ 17 vieraśnia, što rašeńnie pra pavyšeńnie padachodnaha padatku, chutčej za ŭsio, pryniata nie budzie.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary