BAŽ praihnaruje kanfierencyju ŭ Maskvie na znak pratestu suprać ahresii va Ukrainie

 Hramadskaje abjadnańnie «Biełaruskaja asacyjacyja žurnalistaŭ» (BAŽ) bajkatuje štohadovuju kanfierencyju Jeŭrapiejskaj fiederacyi žurnalistaŭ u Maskvie.

«Kirujučysia pryncypami kodeksaŭ etyki Mižnarodnaj fiederacyi žurnalistaŭ i HA «Biełaruskaja asacyjacyja žurnalistaŭ», a taksama pačućciom hłybokaj pavahi da ŭkrainskaha naroda, vymušanaha vieści na svajoj ziamli nieabvieščanuju vajnu ź sieparatystami, praŭleńnie HA «BAŽ» adnahałosna pryniało rašeńnie ŭstrymacca ad udziełu ŭ kanfierencyi Jeŭrapiejskaj fiederacyi žurnalistaŭ (EFJ), jakaja projdzie ŭ listapadzie ŭ Maskvie, na znak salidarnaści z ukrainskimi kalehami», — havorycca ŭ adkrytym liście praŭleńnia BAŽ, jakaja pradstaŭlaje Biełaruś u EFJ. 

«My ličym kanfierencyju EFJ hałoŭnaj padziejaj hoda ŭ śviecie jeŭrapiejskaj žurnalistyki. Tamu ad imia siabraŭ našaj nacyjanalnaj arhanizacyi my vykazvajem niazhodu z praviadzieńniem hetaj kanfierencyi ŭ stalicy dziaržavy, ułady jakoj ciaham apošniaha času metanakiravana spryjali i spryjajuć razbureńniu etyčnych i prafiesijnych standartaŭ žurnalistyki», — adznačajecca ŭ liście. 

«Na našych vačach u rasijskich miedyjach adbyvajecca biessaromnaja padmiena infarmacyjnaj funkcyi srodkaŭ masavaj infarmacyi manipulatyŭnaj i prapahandysckaj, — zajaŭlaje BAŽ.

— Biesprecedentnaja chvala dziaržaŭnaj prapahandy, jakaja abrynułasia na žycharoŭ samoj Rasii i ŭsich krain, kudy majuć dostup rasijskija ŚMI, padryvaje davier da miedyjnaha słova ŭvohule. <…> Vidavočna, što ŭłady Rasii naŭprost stymulujuć hety haniebny praces, publična i masava adznačajučy dziaržaŭnymi ŭznaharodami najbolš aktyŭnych udzielnikaŭ rujnavańnia bazavych pryncypaŭ abjektyŭnaj žurnalistyki». 

«Mienavita tamu nam padajucca niepierakanaŭčymi arhumienty častki jeŭrapiejskich kaleh, što ŭ hety składany dla rasijskaj žurnalistyki momant praviadzieńnie štohadovaj kanfierencyi EFJ u Maskvie stanie vykazvańniem mižnarodnaj padtrymki rasijskaj žurnalisckaj supolnaści», — adznačajecca ŭ adkrytym liście. 

Na dumku pradstaŭnikoŭ BAŽ, «isnuje vysokaja ryzyka taho, što kanfierencyju EFJ skarystajuć u prapahandysckich metach rasijskija ŭłady i ideałahična karumpavanyja maśmiedyja dla ŭzmacnieńnia svajoj prapahandysckaj pazicyi». 

«Adnak my šanujem pazicyju tych siabraŭ EFJ, jakija buduć u listapadzie ŭ Maskvie baranić pryncypy svabody słova i standarty prafiesijnaj etyki, i žadajem im dasiahnuć pośpiechu na hetym šlachu», — dadajuć aŭtary lista. 

«My smutkujem pa rasijskich kalehach, jakija stali achviarami nieabvieščanaj vajny, a taksama vykazvajem hłybokuju pavahu i salidarnaść z toj častkaj rasijskaj žurnalisckaj supolnaści, jakaja ŭ nievierahodna składanych umovach trymajecca siońnia praŭdy i pryncypaŭ abjektyŭnaha aśviatleńnia padziej. My ŭražanyja ich mužnaściu i pierakananyja, što prafiesijanalizm i hramadzianskaja adkaznaść dapamohuć im vytryvać i viarnuć davier da drukavanaha słova i hołasu miedyjaŭ jak u krainie, tak i za jaje miežami», — havorycca ŭ liście praŭleńnia BAŽ. 

Pra niaŭdzieł u maskoŭskim forumie pa stanie na 17 vieraśnia taksama abviaścili Hruzija, Vienhryja, Luksiemburh, Słavienija, Ukraina i Farerskija astravy. Aficyjnaha adkazu pakul što nie dali Azierbajdžan, Bielhija, Bałharyja, Kipr, Čechija, Estonija, Hiermanija, Łatvija, Makiedonija, Niderłandy, Narviehija, Polšča, Partuhalija, Rumynija, Słavakija, paviedamlaje pres-słužba BAŽ. 

Źbirajucca ŭdzielničać u im Aŭstryja, Charvatyja, Danija, Finlandyja, Francyja, Vialikabrytanija, Hrecyja, Isłandyja, Irłandyja, Italija, Čarnahoryja, Rasija, Sierbija, Ispanija, Šviecyja, Šviejcaryja i Turcyja. 

14 vieraśnia pradstaŭniki Asacyjacyi polskich žurnalistaŭ, Nacyjanalnaha sajuza žurnalistaŭ, Nacyjanalnaha sajuza žurnalistaŭ Ukrainy i Niezaležnaha miedyjaprafsajuza Ukrainy zaklikali siabraŭ EFJ nie pravodzić kanhres ŭ Maskvie.

• 0
• 0
• 0
• 0
• 0
• 0
• 0
• 0