Biełaruska ŭ Šatłandyi: Hetaja kraina ŭžo nie budzie raniejšaj
U Šatlandyi prachodzić referendum ab niezaležnaści. Radyjo «Svaboda» źviazałasia ź biełaruskaj Tacianaj Kaściukovič, jakaja žyvie ŭ Šatlandyi ŭ vioscy Bałmuła niepadalok ad horadu Sent-Endrus.
«Łjudzi tut dumajuć, što jany bolš addajuć u supolnuju skarbonku, čym biaruć ź jaje, — raskazała Taciana Kaściukovič. — Ludzi tut hladziać na dźvie susiednija krainy: my chočam być takimi ž bahatymi, jak Narvehija, i mieć takija ž adnosiny z Anhlijaj, jak Irlandyja.
Šatlandyja vielmi mocnaja i ŭ sielskaj haspadarcy, rybu pradaje na ŭsiu Eŭropu, universyteckaja systema vielmi znakamitaja, i šerah inšych pazycyj. Ale vialikaja staŭka była na naftu, chacia ŭ apošnija hady zapasy nafty ŭžo nie takija vialikija, jak byli raniej.
U toj ža čas šatlandcy zacikaŭlenyja ŭ tym, kab i nadalej karystacca supolnym funtam sterlinhaŭ u jakaści valuty.
Što datyčyć abaronnaj sfery, to niezaležniki chočuć vyvadu sa svajoj terytoryi brytanskaj jadziernaj zbroi. Svajo vojska Šatlandyja budzie mieć, ale jano budzie niajadziernaje.
Ciapier tut usie spračajucca, šmat dyskusij idzie. Pryblizna pałova na pałovu «za» i «suprać». Ludzi, jakija nikoli ŭ žyćci nie hałasavali ni na jakich vybarach, ciapier zarehistravalisia hałasavać. Usie abmiarkoŭvajuć budučyniu, časam vielmi horača.
Niezaležna ad vynikaŭ - Šatlandyja užo nikoli nia budzie raniejšaj».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary