Biełaruś moža dapamahčy niekatorym litoŭskim vytvorcam i pastaŭščykam syraviny, jakija paciarpieli ad rasijskaha embarha, adnak banalnaje pieraklejvańnie etykietak i falsifikacyja pachodžańnia praduktu pahražajuć patencyjnymi stratami.
Heta adznačaje ŭ svajoj publikacyi ŭ čaćvier litoŭskaja biznes-hazieta Verslo zinios.
Kamiercyjny ataše Litvy ŭ Biełarusi Vidmantas Vierbickas adznačaje, što jość try sposaby, jakimi moža skarystacca litoŭski biznes: prodaž syraviny i paŭfabrykataŭ biełaruskim pierapracoŭščykam, vytvorčaść pradukcyi pavodle zakazaŭ biełaruskich kampanij i pad ich handlovymi znakami, a najbolš cikavić Biełaruś nastupny sposab — stvareńnie sumiesnaha biźniesu.
«Adnak varta mieć na ŭvazie, što biełaruskaja sielskaja haspadarka jašče ŭ bolšaj stupieni, čym usia astatniaja ekanomika, kantralujecca dziaržavaj», — zaścierahaje Vierbickas.
Pavodle jaho słoŭ, sankcyi Rasii nie buduć doŭžycca viečna, tamu jany nie mohuć być asnoŭnym matyvam inviestycyj u Biełarusi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary