Žurnalist hoda Illa Azar na ŭručeńni premii rasijskaha časopisa vystupiŭ z pramovaj, jakuju, pa jaho ž słovach, chutčej za ŭsio, adusiul vyražuć. Časopis GQ publikuje jaje.
Pa-pieršaje, chaču padziakavać byłomu hałoŭnamu redaktaru «Lenta.ru» Halinie Cimčanka i viečnamu hałoŭnamu redaktaru «Echo Moskvy» Alaksieju Vieniadziktavu za toje, što dali mnie mahčymaść u naš niesvabodny čas abjektyŭna apisvać padziei na i va Ukrainie.
Pa-druhoje, ja rasceńvaju hetuju premiju nie jak asabistuju, a jak kalektyŭnuju ŭsim maim kaleham, chto jeździŭ i jeździć na Danbas, chto ryzykuje tam svaim žyćciom.
A ŭ pieršuju čarhu Andreju Ścieninu, jaki kudy bolš za mianie varty hetaj premii, i nie tolki tamu, što navieki zastaŭsia tam u broniekamizelcy, a ja staju tut u dziŭnym smokinhu.
Pa-treciaje, mnie naohuł dziŭna stajać tut, bo ŭsie astatnija atrymlivajuć premiju za niešta dobraje: a ja nie adčyniŭ restaran, nie źniaŭsia ŭ kino, ja nie trendseter, ja navat nie napisaŭ siensacyjnaje rasśledavańnie, ja prosta apisvaŭ toje, što adbyvajecca va Ukrainie. I lepš by tam ničoha nie adbyvałasia.
Lepš by na Majdanie nie zahinuli ludzi, Krym nie anieksavała b Rasija, vy b praciahvali jeści francuzskija vustrycy, a na Danbasie nie pačałasia vajna i nie pamirali b mirnyja žychary.
Spadziajusia, što Uładzimir Pucin nie budzie bolš pasyłać ruskich sałdat i ŭzbrajeńnie ŭ Danbas, ukrainskaja armija nie budzie bambić harady,
a rasijskija telekanały nie buduć raspalvać nianaviść i chłusić pa televizary i ŭ nastupnym hodzie premiju atrymaje cudoŭny kinakrytyk Dolin ci moj dobry pryjaciel i vydatny reparcior Jahor Mastoŭščykaŭ.
***
Cyrymonija «GQ Čałaviek hoda» budzie pakazanaja na telekanale STS ŭ noč z na 20 vieraśnia ŭ 00:20 pavodle maskoŭskaha času.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary