Biełarusy pa zadavolenaści žyćciom adčuvajuć siabie na adnym uzroŭni z Anhołaj, Konha, Małavi i Čechijaj
Samymi zadavolenymi žycharami płaniety vyjavilisia panamcy. Hruzija i Charvatyja — siarod samych nieščaślivych.
Sacyjałahičny instytut Gallup i kampanija Healthways z ZŠA apublikavali svoj štohadovy Hłabalny indeks dabrabytu (The Gallup-Healthways Global Well-Being Index), jaki adlustroŭvaje zadavolenaść nasielnictva roznych krain svaim žyćciom.
Indeks dabrabytu ŭpieršyniu byŭ praličany ŭ 2008 hodzie i składajecca z acenki žycharami piaci paramietraŭ dabrabytu: stupień samarealizacyi, sacyjalny, materyjalny dabrabyt, zdaroŭje, a taksama zadavolenaść svaim miescam žycharstva i jaho nasielnictvam. Pry hetym uzrovień zadavolenaści tym ci inšym pakazčykam maje trochuzroŭnievuju hradacyju.
Indeks farmirujecca šlacham adkazu respandentaŭ na 10 pytańniaŭ i adlustroŭvaje vyklučna subjektyŭnaje ŭnutranaje pačućcio dabrabytu, tamu na vyniki mohuć mocna ŭpłyvać nie abjektyŭnyja kolkasnyja pakazčyki, a, naprykład, asablivaści mientalitetu žycharoŭ toj ci inšaj krainy.
Samaj ščaślivaj krainaj u 2013 hodzie stała Panama: 61% žycharoŭ hetaj krainy zadavolenyja tryma ci bolš paramietrami dabrabytu. Na druhim miescy znachodzicca Kosta-Ryka (44%), za joj śleduje Danija (40%), Aŭstryja (39%), Brazilija (39%) Uruhvaj z Salvadoram (pa 37% u kožnaj krainie).
Samyja niaščasnyja krainy — Siryja i Afhanistan. Tolki adzin pracent nasielnictva tam adčuvaje dabrabyt pa troch ci bolš paramietrach. Za imi iduć Haici (3%), Demakratyčnaja Respublika Konha i Čad (pa 5%), Madahaskar, Uhanda i Bienin (pa 6%) i Charvatyja z Hruzijaj (pa7%).
Biełaruś nie ŭvajšła ni ŭ top, ni ŭ anty-top dabrabytu. Adnak biełarusy ŭ ščaści dalokija ad panamcaŭ: tolki 13% nasielnictva Biełarusi adčuvajuć vysokuju zadavolenaść tryma ci bolš paramietrami dabrabytu ź piaci. Pry hetym najbolšaja kolkaść u vyšejšaj stupieni zadavolenych biełarusaŭ prychodzicca na finansavy dabrabyt: 27%. A voś ź fizičnym dabrabytam isnujuć prablemy: tolki 11% biełarusaŭ maksimalna zadavolenyja hetym pakazčykam.
Pa ahulnym uzroŭni dabrabytu Biełaruś znachodzicca na adnoj prystupcy z Čechijaj, Anhołaj i Małavi, Konha,tolki 13% žycharoŭ jakich taksama zadavolenyja tryma ci bolš paramietrami svajho dabrabytu. U hłabalnaj ža pierśpiektyvie adno 17% ludziej zadavolenyja tryma ci bolš paramietrami dabrabytu ź piaci.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary