Arhanizatar fiestyvalu «Rok pa vakacyjach» Pavaš Kašyryn vymušany admianić mierapryjemstva.
Čarhovy fest «Rok pa vakacyjach» planavałasia pravieści 19 vieraśnia ŭ klubie Re:Public z udziełam hurtoŭ Drum Ecstasy, Nizkiz, The UNB, Pomidor/Off i «Krama», a taksama haściej z Rasiei – hurta N.O.M.
Za dva dni da pačatku arhanizatar Pavał Kašyryn vymušany byŭ admianić kancert. «Asobych pieradumovaŭ dla hetaha nie było, ale za apošni tydzień kłubok peŭnych kanfliktaŭ intaresaŭ, supiarečnaściaŭ i nievyrašeńniaŭ peŭnych pytańniaŭ dasiahnuŭ svajho apahieja, tamu ja vymušany byŭ pajści na takoje rašeńnie», – patłumačyŭ pramoŭter. Infarmacyja pra viartańnie hrošaj za kvitki budzie paviedamlenaja dadatkova.
Budučynia adnaho z najstarejšych biełaruskich festaŭ pad pytańniem. «Nieviadoma, što budzie ŭ nastupnym hodzie, bo ŭsio ciažej i ciažej rabić festy z udziełam biełarusaŭ. Treba ŭsio asensavać i padumać ci zajmacca nadalej abo začynić na ambarny zamok», – skazaŭ Pavał Kašyryn.
Fest «Rok pa vakacyjach» upieršyniu byŭ praviedzieny ŭ 1993 hodzie. Štohod da 1996 hodu kancert ładziŭsia na novym miescy – na placoŭcy cyrku-šapito, la Pałacu moładzi, na centralnaj płoščy ŭ Maładečna, u Parku Čaluskincaŭ. U 2008 hodzie paśla 12-hadovaha pierapynku fest byŭ adrodžany ŭ klubnym farmacie.
Videa. Fest «Rok pa vakacyjach-1996» (televersija, źniataja Biełteleradyjokampanijaj i pieravydadzienaja na telekanale «Biełsat»)
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary