Mahiloŭski žurnalist Aleś Burakoŭ nakiravaŭ skarhu prakuroru Mahilova na dziejańni milicyjanieraŭ, jakija kanfiskavali ź jaho kvatery i kvatery jaho baćkoŭ čatyry kampjutary biez składańnia pratakołaŭ kanfiskacyi.
Nahadajem, ranicaj 16 vieraśnia siem supracoŭnikaŭ milicyi praviali ŭ kvatery žurnalista vobysk. Jany zabrali dva noŭtbuki, jakija naležać žoncy Burakova. Taksama vobysk byŭ praviedzieny ŭ kvatery baćkoŭ Burakova, dzie milicyjaniery zabrali dva sistemnyja błoki kampjutaraŭ. U pastanovie na vobysk ukazana, što Burakoŭ supracoŭničaŭ z sajtam radyjo «Niamieckaja chvala» biez akredytacyi. Paśla žurnalist byŭ abvinavačany ŭ niezakonnym vyrabie i raspaŭsiudžvańni pradukcyi ŚMI.
«Kanfiskavanyja rečy byli ŭniesieny ŭ pratakoły ahladu. Ale pakolki ja admoviŭsia padpisvać pratakoł ahladu, to mnie kopii hetych pratakołaŭ nie vydali. Moj baćka Burakoŭ V.I., jaki prysutničaŭ pry ahladzie, padpisaŭ pratakoł ahladu, ale jamu taksama nie vydali jaho kopiju. Taksama nie byli składzieny pratakoły kanfiskacyi. Tamu ni ŭ mianie, ni ŭ majho baćki na rukach niama dakumienta, jaki paćviardžaje fakt kanfiskacyi ŭ nas ukazanaj kampjutarnaj techniki», — havorycca ŭ skarzie Alaksandra Burakova.
Jon prosić pravieści rasśledavańnie ŭkazanych parušeńniaŭ i pryciahnuć vinavatych da adkaznaści, a taksama paviedamić, jakija rečy byli kanfiskavany ŭ jaho i ŭ jaho baćki.
Nahadajem, 23 vieraśnia žurnalist abaviazany źjavicca ŭ Leninski RAUS Mahilova, dzie jamu paviedamiać ab pierśpiektyvach jaho administracyjnaj spravy.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary