Minžyłkamhas: Novych placovak dla vyhułu sabak u starych rajonach nie budzie
Pry ciapierašniaj ščylnaści zabudovy stvareńnie novych placovak u bujnych haradach dla vyhułu sabak niemahčymaje.
Takoje mierkavańnie vykazała kansultant upraŭleńnia žyllovaj haspadarki Ministerstva žyllova-kamunalnaj haspadarki Vijaleta Andryjanava 18 vieraśnia na pres-kanfierencyi ŭ Minsku.
«Placoŭki vyznačajucca miascovymi vykanaŭčymi i rasparadčymi orhanami ŭłady, i pry isnaj ščylnaści zabudovy, naprykład, u Minsku ci abłasnych centrach nie zaŭsiody atrymlivajecca takuju placoŭku abstalavać», — skazała jana.
Pavodle słoŭ śpiecyjalista, isnyja placoŭki časta ŭjaŭlajuć saboju aharodžanyja pustki. «Stvareńnie placovak u takoj zabudovie nie ŭjaŭlajecca mahčymym. Pry prajektavańni novych damoŭ, kali ŭ prajekcie jość takaja placoŭka, to jana budzie», — adznačyła Andryjanava.
Pry hetym jana padkreśliła, što Minžyłkamhas nie adsočvaje situacyju ź placoŭkami dla vyhułu i nie maje źviestak pra ich kolkaść. «Časam my bačym, što ŭ nas niama placovak dla parkoŭki mašyn, dziciačych, haspadarčych placovak, ale zatoje my rady, što zasialilisia ŭ novuju kvateru. Napeŭna, siońnia treba rasstaŭlać pryjarytety», — skazała Andryjanava.
Pavodle jaje słoŭ, ciapier pryjarytetnym kirunkam źjaŭlajecca «stvareńnie spryjalnych umoŭ dla pražyvańnia hramadzian».
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary