Kryminalnaja sprava ŭ dačynieńni kiraŭnikoŭ adnoj sa staličnych firm pieradadziena ŭ sud Frunzienskaha rajona Minska. Hramadzianin Biełarusi i dvoje rasijan abvinavačvajucca ŭ arhanizacyi niezakonnaj mihracyi.
Jak paviedamili ŭ MUS, apieratyŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj vyśvietlili, što padazronyja ŭ kancy 2012 hoda zarehistravali ŭ Minsku i Minskaj vobłaści niekalki subjektaŭ haspadarańnia z metaj ukaranieńnia niezakonnych u Biełarusi schiem aŭtstafinhu. Heta sposab akazańnia pasłuh, pry jakim u rasparadžeńnie zamoŭcy pradastaŭlajucca rabotniki, jakich najmaje firma. Pry hetym pravavych adnosin z zamoŭcam supracoŭniki nie majuć, ale vykonvajuć peŭnyja raboty na jaho terytoryi.
Dobra viedajučy patrabavańni dziejnaha zakanadaŭstva ab pryciahnieńni zamiežnaj pracoŭnaj siły ŭ Biełaruś, a taksama ab paradku znachodžańnia zamiežnikaŭ u našaj krainie, abvinavačvanyja arhanizavali niezakonny ŭjezd u Biełaruś i znachodžańnie na terytoryi respubliki pryblizna 250 hramadzian Uźbiekistana, Tadžykistana i Kyrhyzstana. Zamiežnikaŭ nakiroŭvali dla vykanańnia peŭnych vidaŭ rabot na bujnyja pradpryjemstvy Minska i Minskaha rajona. Ciapier usie jany dobraachvotna pakinuli našu krainu abo byli departavanyja. Złačynnaja schiema dziejničała da listapada 2013 hoda.
Kryminalnaja sprava pa abvinavačańni troch pradprymalnikaŭ va ŭčynieńni złačynstvaŭ, praduhledžanych art. 371-1 KK (arhanizacyja niezakonnaj mihracyi) i art. 216 KK (pryčynieńnie majomasnaj škody biez prykmiet kradziažu) pieradadziena ŭ sud. Abvinavačvanyja źmieščany pad vartu. Im pahražaje ad troch da siami hadoŭ pazbaŭleńnia voli z kanfiskacyjaj majomaści ci biez kanfiskacyi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary