Člen sakrataryjata brytanskaha kabinieta ministraŭ pa pytańniach hramadzianskaj supolnaści, jaki pajšoŭ u adstaŭku z-za taho, što ŭ adnoj z haziet byli apublikavanyja źviestki ab jaho seksualnym žyćci, nazvaŭ samoha siabie «poŭnym idyjotam».
«Mnie niama kaho vinavacić akramia samoha siabie. Ja pryčyniŭ bol tym, chto mnie daražej za ŭsio», — skazaŭ Bruks Ńjumark u intervju Bi-bi-si.
Ńjumark adpraviŭ svoj intymny fotazdymak žurnalistu Sunday Mirror, jaki pierapisvaŭsia z palitykam u internecie, vydajučy ź siabie aktyvistku kansiervatyŭnaj partyi.
Abviaściŭšy pra svaju adstaŭku, ministr taksama paprasiŭ presu pavažać jaho prava na pryvatnaje žyćcio.
«Ja prynošu svaje hłybokija, hłybokija prabačeńni. Ale mnie ciapier treba pravieści čas ź siamjoj», — skazaŭ były ministr.
Bruks Ńjumark byŭ abrany ŭ parłamient u 2005 hodzie. Jon žanaty i ŭ jaho piaciora dziaciej.
Ministr abarony Vialikabrytanii Majkł Fałon skazaŭ, što Ńjumark «pastupiŭ pravilna», pajšoŭšy sa svajoj pasady.
Adnak siabra parłamienta ad Kansiervatyŭnaj partyi Nadzin Dorys u intervju telekanału Sky zajaviła, što skandał vakoł adstaŭki palityka tolki adciahvaje ŭvahu ad adkryćcia štohadovaha źjezdu partyi.
«Bruks Ńjumark byŭ prosta durny … Jon padvioŭ samoha siabie i svaju siamju. Ale ŭsio heta nie tak važna», — skazała jana.
Kamientary