Prezident ZŠA Barak Abama admaŭlaje mahčymaść vajennaj kanfrantacyi pamiž NATA i Rasijaj. Takoje mierkavańnie jon vykazaŭ u intervju telekanału CBS.
Na pytańnie ab tym, ci jość vierahodnaść vajennaha kanfliktu, Abama adkazaŭ: «Nie, ja nie dumaju, što budzie vajennaja kanfrantacyja pamiž Rasijaj i NATA». Pry hetym jon dadaŭ, što ZŠA «vielmi šmat pracavali», kab supakoić sajuźnikaŭ pa aljansie va Uschodniaj Jeŭropie.
Abama nahadaŭ, što piaty artykuł Paŭnočnaatłantyčnaj damovy abaviazvaje ŭsich sajuźnikaŭ akazvać vajennuju dapamohu ŭ vypadku, kali chto-niebudź z členaŭ aljansu stanie abjektam napadu.
«I Pucin heta razumieje», — skazaŭ Abama.
Na dumku amierykanskaha lidara, isnuje mahčymaść taho, što Rasija budzie «ruchacca ŭ patrebny bok» u situacyi z ukrainskim kryzisam. Pry hetym Abama asudziŭ dziejańni Maskvy na fonie pratestaŭ i nastupnaha raźvićcia padziej, nakiravanyja na «ŭtrymańnie Ukrainy ŭ svajoj arbicie».
Prezident ZŠA taksama adznačyŭ značeńnie sankcyj suprać Rasiei, jakija «vielmi drenna» adbilisia na jaje ekanomicy. «I heta drenna i dla budučyni Rasii», — dadaŭ jon.
Jak adznačyŭ kiraŭnik amierykanskaj administracyi, jon nieadnarazova zajaŭlaŭ, što takaja palityka źjaŭlajecca dla Rasii «tupikom», i Maskva pavinna viarnucca da sprobaŭ vykonvać mižnarodnyja normy.
Heta, na jaho dumku, «budzie lepš i dla rasijskaha narodu, i dla Jeŭropy». Takuju pazicyju Abama, pavodle jaho słoŭ, danosiŭ i da rasijskaha prezidenta Uładzimira Pucina ŭ pryvatnym paradku, i vykazvaŭ publična.
«My nie šukajem kanfrantacyi, ale my źbirajemsia być vielmi ćviordymi, kali na kanu stajać pryncypy», — padkreśliŭ Abama.
Kamientary