U Rasii sudziać błohiera za toje, što ŭ sacsietcy padzialiŭsia statusam z Ukrainy
Siońnia, 29 vieraśnia, u Čelabinsku pačniecca sud nad Kanstancinam Žarynavym, jakomu pahražaje da 4 hadoŭ pazbaŭleńnia voli za toje, što jon nacisnuŭ knopku «Padzialicca» ŭ Vkontaktie.
Paznajomiŭšysia z materyjałami kryminalnaj spravy, možna pabačyć u ich schiemu, pa jakoj lohka možna pasadzić luboha karystalnika.
U pačatku sakavika člen adździaleńnia partyi «Demakratyčny vybar» Kanstancin Žarynaŭ pierapościŭ «Zvarot «Pravaha siektara» da narodaŭ Rasiei», u jakim ukrainskija nacyjanalisty zaklikali rasiejcaŭ akazvać supraciŭ režymu Pucina, vychodzić na vulicy, stvarać partyzanskija atrady i nie vieryć prapahandzie.
«Ja spadziajusia, što sprava da suda nie dojdzie», — zajaŭlaŭ Žarynaŭ viasnoj na čelabinskim partale. I pamylaŭsia: sprava da sudu dajšła i, miarkujučy pa sudovaj statystycy, maje vielmi vialikija šancy skončycca abvinavaŭčym prysudam.
Kryminalnyja «ekstremisckija» spravy na padstavie adnych tolki pierapostaŭ — novy trend. Tak, u sakaviku hetaha hoda toj ža, mabyć, tekst, ale biez podpisu «Pravaha siektara», byŭ raźmieščany supolnaściu Anarcho-News, adkul jaho pieraniesła na svaju staronku 19-hadovaja studentka ź Ivanava Liza Lisicyna. Praz dva tydni da dziaŭčyny pryjšli ź pieratrusam z FSB i inkryminavali art. 280 KK RF «Publičnyja zakliki da ažyćciaŭleńnia ekstremisckaj dziejnaści».
Kamientary