Charkaŭski mer Hienadź Kiernies paabiacaŭ adnavić źniesieny napiaredadni pomnik Uładzimiru Leninu, havorycca ŭ aficyjnaj zajavie na sajcie meryi.
Znos manumienta, jaki ździejśnili ŭdzielniki demanstracyi ŭ niadzielu ŭviečary, charkaŭski haradski hałava nazvaŭ «varvarskim».
«Heta byŭ samy vialiki manumient Leninu va Ukrainie — pomnik manumientalnaha mastactva miascovaha značeńnia. Pomnik znachodziŭsia na dziaržaŭnym uliku jak abjekt kulturnaj spadčyny», — źviartaje ŭvahu Hienadź Kiernies.
Na jaho dumku, aktyvisty parušyli zakon biaśpieki mirnych schodaŭ hramadzian Ukrainy, a pravaachoŭniki «nie abaranili intaresy terytaryjalnaj abščyny — bo pomnik znachodziŭsia na bałansie horada Charkava».
«Kab nie tracić šmat słoŭ, skažu adno — pomnik Leninu na płoščy Svabody ŭ Charkavie my abaviazkova adnovim», - paabiacaŭ Hienadź Kiernies.
Uviečary niadzieli hubiernatar Charkaŭščyny Ihar Bałuta padpisaŭ rasparadžeńnie ab demantažy pomnika. Milicyja zakryła kryminalnuju vytvorčaść.
Kamientary