U Maskvie zatrymali ŭsich udzielnikaŭ šturmu aŭtobusa AMAPa la miačeci
Maskoŭskaja palicyja zatrymała ŭsich udzielnikaŭ šturmu aŭtobusa AMAPa la miačeci na Vialikaj Tatarskaj vulicy.
Pra heta paviedamlaje RIA «Novosti» sa spasyłkaj na pres-słužbu staličnaha hłaŭka MUS.
U subotu, 27 vieraśnia, u internecie źjaviłasia videa, źniataje ŭ minułuju piatnicu, dzie bačna, jak niekalki sotniaŭ čałaviek akružyli palicejski aŭtobus z bajcami AMAP z patrabavańniem vyzvalić raniej zatrymanaha čałavieka, jaki znachodziŭsia ŭ aŭtobusie. Praź niekatory čas udzielniki pratestu samastojna dastali čałavieka z aŭtobusa, navat nie źniaŭšy kajdanki. Videa bojki pahladzieli ŭžo bolš za paŭmiljona čałaviek.
Jak paviedamili ahienctvu ŭ pres-słužbie staličnaha hłaŭka MUS, u dačynieńni da ŭsich zatrymanych pryniata rašeńnie ab administracyjnym aryšcie.
Akramia taho, u dačynieńni da dvuch asob raspačata kryminalnaja sprava pa artykule «Užyvańnie hvałtu ŭ dačynieńni da pradstaŭnika ŭłady», jany zatrymanyja.
Miž tym, pravaabaronca Ali Čarynski ŭ svaim fejsbuku napisaŭ: «Chłuśnioju u dadzienaj zajavie źjaŭlajecca toje, što «parušalniki pravaparadku» pra jakich idzie havorka, paśla taho jak vyzvalili svajho adzinavierca z pałonu, usie družna nakiravalisia pa damach. Na terytoryi pablizu miačeci zastalisia tyja, chto kožnuju piatnicu zastajecca dla dadatkovaha hłybokaha ŭšanavańnia i vyvučeńnia isłamskich navuk. Jany źjaŭlajucca samymi pakorlivymi musulmanami. Mienavita imi i pierapoŭnili aŭtobusy AMAPa, jakija padjechali paśla».
Pa słovach vidavočcaŭ, pavieźli try pierapoŭnienyja aŭtobusy musulman.
Hetak ža prychadžanie miačeci skazali, što na nastupnuju malitvu pryjšło jak nikoli mała viernikaŭ.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary