Biełaruski palitołah Drako paraŭnaŭ prezidenta Litvy z «amal narkamankaj» i prapanavaŭ jaje ŭcichamiryć
Na sajcie «Biełaruskaha partyzana» źjaviŭsia čarhovy zapis u błohu biełaruskaha palitołaha Ihara Drako. Hetym razam jon pryśviečany zajavam prezidenta Litvy Dali Hrybaŭskajcie nakont Rasii i nazyvajecca: «Utichomiriť Dalu, ili kak pomoċ Litvie».
Napisany artykuł u dosyć pabłažlivaj maniery:
«Prezident Litvy Hrybaŭskajcie niadaŭna nahavaryła takoha, što stanovicca strašna za palityčnaje zdaroŭje litoŭskaha hramadstva, — piša Drako. — «Rasija — terarystyčnaja dziaržava; Zachad nie razumieje, nakolki Rasija ŭ rečaisnaści niebiaśpiečnaja; Pucin nie spynicca, pakul nie raździelić Ukrainu; dalejšaja jaho ahresija budzie nakiravana na Prybałtyku i Polšču; i h.d. i da t.p.».
Drako adznačaje, što «adnak časam usio-taki treba reahavać na takija — amal narkamanskija — fantazii pieršaj asoby dziaržavy, ź jakoj Rasija maje miažu, chaj i nievialikuju, tolki ŭ Kalininhradskaj vobłaści.
I voś tut jak nielha darečy pryjdziecca sajuźnik Rasii — Biełaruś».
«U ramkach Mytnaj (abo Jeŭrazijskaj) trojki (pakul trojki) nam treba damahčysia prava «hladzieć» za Litvoj,
usie zachodnija fondy, jakija raspaŭsiudžvajuć demakratyju i jakija padtrymlivajuć farmiravańnie hramadzianskaj supolnaści ŭ Biełarusi, znachodziacca ŭ Vilni. Naša «hladzieńnie» za Litvoj budzie simietryčnym adkazam», — adznačaje jon.
Taksama jon raić: «Palitykam Litvy varta być strymaniej, inakš u mnohich litoŭskich biźniesmienaŭ, jakija zarablajuć na Biełarusi i Mytnym sajuzie, uźniknuć prablemy. Prablemy u pracadaŭcaŭ — prablemy ŭ najomnych rabočych. Tak i skažam: «Tak, my ŭviali svaje sankcyi, bo dziejańni vašych palitykaŭ mohuć naškodzić nam. Padumajcie pra inšych palitykaŭ. Pra takich, jakija spakajniej reahujuć na Rasiju».
U profili Ihara Drako ŭ Facebook paznačana, što jon pracuje ŭ EHU (ŭniviersitet pracuje ŭ Vilni, darečy) i kampanii «Havary praŭdu».
Praŭda, jaho imia źnikła sa śpisu «tvaraŭ kampanii» na sajcie hramadskaj inicyjatyvy, jak było raniej.
U pačatku červienia rozhałas nabyŭ inšy dopis Drako na sajcie «Biełaruskaha partyzana», dzie jon pisaŭ, što padzieł Ukrainy vyhadny Biełarusi.
U zahinułaj u Ślapiancy dziaŭčynie apaznali Janu Kastrankovu2
Kamientary