Na radyjo «Echo Moskvy» prajšoŭ biełaruskamoŭny efir.
Rasijskaja radyjostancyja «Echo Moskvy» u noč z 26 na 27 vieraśnia zładziła «Biełaruskuju hadzinu». Z 2 da 3 hadziny nočy ŭ efiry hučała biełaruskaja mova. Viała pieradaču žurnalistka Alina Hrabniova (biełaruska, uradženka Babrujsku, jakaja daŭno ŭžo pracuje ŭ maskoŭskich ŚMI).
Padčas «Biełaruskaj hadziny» abmiarkoŭvałasia palityka, pravodzilisia apytanki: viadučaja cikaviłasia, ci stała ŭ žyćci rasijan bolš biełaruskich tavaraŭ paśla ŭviadzieńnia sankcyj, i ci chacieli b słuchačy, kab Łukašenka staŭ prezidentam Rasii (darečy, bolšaść audytoryi vykazałasia suprać takoj idei).
Hučała biełaruskaja muzyka («Pieśniary», «Lapis Trubiacki», NRM). Pravodzilisia i moŭnyja konkursy: naprykład, rasijskim słuchačam prapanoŭvałasia zdahadacca, što takoje «navalnica» ci «dyvan». Pieramožcy atrymali u padarunak knihi Vasila Bykava (praŭda, pierakładzienyja na rasijskuju).
Prahramu možna pasłuchać i spampavać pa spasyłcy:
http://2.cdn.echo.msk.ru/snd/2014-09-27-odin-0008.mp3
(słuchać z 01:50:00).
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary