Pałonnyja ŭkrainskija vajskoŭcy padčas vyzvaleńnia skazali, što byli zachoplenyja rasiejskimi sałdatami.
Jak paviedamlaje Reuters, heta stała čarhovym śviedčańniem prysutnaści na ŭschodzie Ukrainy vojskaŭ z Rasii, jakoje admaŭlaje Maskva.
Na pytańnie pra toje, jak jany apynulisia ŭ pałonie, adkazaŭ mužčyna, jaki pradstaviŭsia Alaksiejem Kašalenkam z 93-j bryhady ŭkrainskaj armii.
«24-25 žniŭnia, kali zajšli rasijskija vojski, my trapili ŭ kacioł u Iłavajsku», — skazaŭ jon, nazvaŭšy nievialiki horad, raźmieščany pamiž Danieckam i rasiejskaj miažoj.
«Nas «Hradam» pabili, a potym vojski prosta źmiali. Za 20 chvilin całkam usich źniščyli. Mnohija zahinuli, mnohija prapali bieź viestak. Vojski byli rasijskija. Jany skazali, što desantna-šturmavy bataljon. Tam byŭ major, jany sami skazali nam, što z Kastramy».
Jašče adzin pałonny ŭkrainski vajskoviec — Andrej Krupa z 51-j bryhady — pry vyzvaleńni raspavioŭ, što hety atrad desantnikaŭ byŭ nie adzinym u tych miescach. Jon kaža, što sam patrapiŭ u pałon da rasijskich vajskoŭcaŭ u tym ža miescy pobač z pasiołkam Ziarkalny, dzie byli zachoplenyja rasijskija desantniki, ale na nastupny dzień.
«Heta byli rasijskija sałdaty, — adkazaŭ jon na pytańnie, chto jaho zachoplivaŭ. — My ich 24-ha (žniŭnia) ŭziali ŭ pałon. Z Kastramy sałdaty, desantniki».
Jak paviedamlałasia, za minułyja sutki z pałonu byli vyzvalenyja 30 ukrainskich vajskoŭcaŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im2
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary