Hienieralnaja prakuratura Ukrainy pačała kryminalnuju vytvorčaść u dačynieńni da šerahu słužbovych asob Śledčaha kamiteta Rasii.
Rašeńnie stała adkazam na zaviadzieńnie Śledčym kamitetam Rasii kryminalnaj spravy ab hienacydzie ruskamoŭnaha nasielnictva na paŭdniovym uschodzie Ukrainy.
U Kijevie paličyli dziejańni SKR umiašalnictvam u svaju dziejnaść.
«Šlacham arhanizacyi biespadstaŭnaha kryminalnaha pieraśledu ažyćciaŭlajecca niezakonnaje ŭmiašalnictva ŭ dziejnaść pravaachoŭnych orhanaŭ Ukrainy, uzbrojenych sił Ukrainy», —havorycca ŭ paviedamleńni Hienprakuratury Ukrainy.
U viedamstvie nie ŭdakładniajuć, u dačynieńni da jakich słužbovych asob z SKR raspačata kryminalnaja vytvorčaść.
Kryminalnaja vytvorčaść adkryta pa artykułach «sadziejničańnie terarystyčnaj arhanizacyi, umiašalnictva ŭ dziejnaść rabotnika pravaachoŭnaha orhana» i «ŭmiašalnictva ŭ dziejnaść dziaržaŭnaha dziejača.
Raniej Śledčy kamitet Rasii zavioŭ kryminalnuju spravu ab hienacydzie ruskamoŭnaha nasielnictva na paŭdniovym uschodzie Ukrainy, dzie, jak śćviardžaje rasijski bok, pačynajučy z krasavika 2014 pradstaŭniki palityčnaha i vajennaha kiraŭnictva Ukrainy addavali zahady, nakiravanyja na poŭnaje źniščeńnie mienavita ruskamoŭnych hramadzian.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im2
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary