U piaciorku samych tannych haradoŭ Jeŭropy ŭvachodziać Białhrad (Sierbija), Praha (Čechija), Budapiešt (Vienhryja), Zahrab (Charvatyja) i Lublana (Słavienija).
Da takoj vysnovy pryjšli ŭ niamieckim kłubie aŭtaamataraŭ ADAC paśla adpaviednaha daśledavańnia.
Kryteryjami adboru ŭ pieršuju čarhu źjaŭlalisia: košt ekskursii pa horadzie ŭ supravadžeńni hida, apłata za prajezd u hramadskim transparcie, košty paštovak, rachunak za abied u restaranie. Što tyčycca koštu, to pavodle ŭsiarednienych padlikaŭ, u hetych krainach siaredni ček na dvuchdzionny ŭikend vyjdzie da 70 jeŭra (biez uliku vydatkaŭ na pražyvańnie).
«Asabliva treba adznačyć, što ŭ Prazie i ŭ Budapiešcie vielmi tannaja ježa i napoi ŭ restaranach, ale ŭ hetych haradach paraŭnalna darahi hramadski transpart», — adznačajecca ŭ daśledavańni.
U svaju čarhu, samymi darahimi jeŭrapiejskimi stalicami pa turyźmie stali Osła (Narviehija), Paryž, Łondan i Kapienhahien (Danija). Naprykład, dva dni ŭ Osła ŭ siarednim abyducca ŭ 153 jeŭra, biez uliku vydatkaŭ na pražyvańnie i darohu.
Kamientary