Milicyjanty znajšli ŭ Mahiloŭskim rajonie 17-hadovaha mahiloŭca Uładzisłava Bašarymava, jaki ŭciok sa śpiecvučylišča.
Pra heta paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Z 32 dvuch padletkaŭ, jakija 26 vieraśnia prykładna ŭ 18.05 samavolna pakinuli raźmiaščeńnie UA «Mahiloŭskaje dziaržaŭnaje śpiecyjalnaje prafiesijna-techničnaje vučylišča №2 drevaapracoŭki», 30 viernutyja va ŭstanovu adukacyi. Vyšuk jašče dvaich padletkaŭ — 17-hadovaha minčuka Uładzisłava Łahuna i 16-hadovaha viciablanina Valancina Charytonava — praciahvajecca.
Pavodle infarmacyi adździeła vyšukovaj pracy UUR UUS Mahiloŭskaha abłvykankama, u vyniku pieršapačatkovych apieratyŭna-vyšukovych mierapryjemstvaŭ ustanoŭlena, što 26 vieraśnia padčas pierapynku pamiž urokami padletki samavolna pakinuli raźmiaščeńnie śpiecvučylišča praz centralny KPP i ŭjaznuju bramu.
Nieadkładna pa sihnale «Zbor» byŭ uźniaty asabovy skład Mahiloŭskaha harnizona, na terytoryi siami rajonaŭ vobłaści ŭviedzieny płan «Pierachop», aryjentavany asabovy skład orhanaŭ i padraździaleńniaŭ unutranych spraŭ vobłaści, arhanizavana praviadzieńnie pošukavych mierapryjemstvaŭ mabilnymi i piešymi hrupami.
U vyniku apieratyŭnych i prafiesijnych dziejańniaŭ supracoŭnikaŭ AUS u samyja karotkija terminy padletki byli znojdzienyja: bolšaść ŭviečary 26 vieraśnia ŭ Mahilovie, zatym 27 vieraśnia — dvoje ŭ Mahilovie, troje — u Mahiloŭskim rajonie, čaćviora — u Homieli i adzin — 29 vieraśnia ŭ Mahiloŭskim rajonie. U chodzie apytańnia vychavancaŭ vyjaŭlena, što niekatoryja ź ich chacieli viarnucca dadomu, a asnoŭnaja častka vyrašyła ździejśnić ucioki sa śpiecvučylišča №2 spantanna, pabačyŭšy, jak inšyja vychavancy pabiehli da vychadu.
Pravaachoŭniki źviartajucca z prośbaj da ŭsich, chto maje źviestki ab dvuch padletkach, jakija znachodziacca ŭ vyšuku, nieadkładna paviedamić u bližejšy AUS abo pa telefonie 102.
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt2
Kamientary