Adzin z samych admietnych hurtoŭ na biełaruskaj folk-scenie surjozna rychtujecca da svajho jubileju.
«Rokaš» paŭstaŭ uvosień 2004 hodu. Muzyki bačać sens svajoj tvorčaści ŭ tym, kab razburyć stereatyp adnosna taho, što folkavaja muzyka archaičnaja pa svajej sutnaści i nia maje resursaŭ dla dalejšaha raźvićcia. Dziela hetaha jany eksperymentujuć z stylami. Pieśni «Rokašu» dvojčy traplali ŭ lik 12 hałoŭnych hitoŭ sezonu na «Tuzinie Hitoŭ»: u 2009-m heta była «Dzieci paŭnočnaha vietru», a ŭ 2011-m — «Kryły», jakaja pavodle šmatlikich vodhukaŭ naohuł ličycca najlepšaj pieśniaj hurtu.
Jubilej «Rokaš» spravić 25 kastryčnika ŭ klubie Re:Public. Udzieł u vializnym kancercie akramia hierojaŭ viečaru voźmuć hurty Pawa, Re1ikt, Unia i Rosy, admysłovym hościem budzie Aleh Chamienka.
