U internecie apublikavali videa, na jakim, jak miarkujecca, pakazana abiezhałoŭlivańnie zakładnika Ałana Chieninha. Dakładnaść videazapisu jašče nie paćvierdžana.
Skrynšot.
47-hadovy Ałan Chieninh z paŭnočnaj Anhlii pracavaŭ taksistam. Chieninh byŭ vykradzieny bajevikami «Isłamskaha dziaržavy» u śniežni 2013 hoda, kali advoziŭ dapamohu ŭ Siryju.
Na videa bajeviki «ID» pahražajuć inšamu zakładnik, jakoha nazyvajuć amierykancam. Mužčynu identyfikavali jak Pitera Kasiha, jaki ŭdzielničaŭ u humanitarnaj misii pa akazańni ekstrannaj miedycynskaj dapamohi paranienym ŭ Siryi, paviedamiła siońnia Bi-Bi-Si. Jon byŭ vykradzieny letaś, kali jechaŭ na mašynie chutkaj dapamohi.
Bajeviki hrupoŭki «Isłamskaja dziaržava», pačynajučy sa žniŭnia, abiezhałovili troch zachodnich zakładnikaŭ:
ad ruk džychadzistaŭ zahinuli amierykanskija žurnalisty Džejms Foŭli i Styvien Sotłaf, a taksama supracoŭnik humanitarnaj arhanizacyi šatłandziec Devid Chejns.