U studyi kulinarna-zabaŭlalnaj prahramy «Smak» zamianili partret pieršaha viadučaha prahramy, muzykanta Andreja Makareviča na partret ruskaha paeta Alaksandra Puškina. Vypusk prahramy ad 4 kastryčnika apublikavany na sajcie «Pieršaha kanała».
Atrymać apieratyŭny kamientar u pres-słužbie «Pieršaha kanała» «Daždžu» nie ŭdałosia. Jak udakładniŭ žurnalist «Recha Maskvy» Alaksiej Naryškin, partret źnik sa studyi jašče na minułym tydni.
Kulinarna-zabaŭlalnaja prahrama «Smak» vychodzić u efir z 20 listapada 1993 hoda. Pieršym viadučym prahramy byŭ Andrej Makarevič. U 2005 hodzie prahrama była začynienaja, a ŭ 2006 jaje adradzili ŭžo z novym viadučym, Ivanam Urhantam. Jaho pieršym hościem u prahramie staŭ Makarevič.
U apošnija miesiacy Makareviča ŭ Rasii ŭzmocniena ckujuć. Niekatoryja rasijskija hramadskija dziejačy i palityki zajavili, što Makarevič, zaklikajučy suprać vajny va Ukrainie, prytrymlivajecca antyrasiejskich pierakanańniaŭ, i, adpaviedna, jaho dziejańni nosiać antyrasiejski charaktar.