Śpiecyjalnyja šachty, kudy budzie skidacca śnieh, stvorać na bazie kanalizacyjnych kalektaraŭ «Minskvodakanała». Tam śnieh budzie rastoplivacca z dapamohaj kanalizacyjnych vod, a tałaja vada — ačyščacca.
Pra heta 4 kastryčnika na pasiadžeńni Minharvykankama paviedamiŭ pieršy namieśnik staršyni Minharvykankama Uładzimir Kucharaŭ.
U horadzie vyznačany try punkty, dzie buduć arhanizavanyja śniehapłavilnaja kompleksy, — u miescach, dalokich ad žylla i administracyjnych budynkaŭ. Płanujecca vyznačyć jašče kala 10 placovak dla stvareńnia šacht, kab praz 3—4 hady na terytoryi horada zastalisia adzinkavyja śniežnyja palihony.
«Placoŭki dla składavańnia śniehu padbirać z kožnym hodam stanovicca ŭsio ciažej. Nieabchodna zabiaśpiečyć, kab 80% śniehu, jaki vyvozicca z vulic stalicy, rastoplivać pry dapamozie kalektaraŭ», — padkreśliŭ mer Minska Mikałaj Ładućka.
