Usie zatrymanyja ŭ Biełarusi 9 kastryčnika ŭkrainskija futbolnyja fanaty vyzvalenyja i ŭžo viarnulisia va Ukrainu, paviedamiŭ śpikier MZS Ukrainy Jaŭhien Pierabijnis.
«U metach vykanańnia daručeńnia kiraŭnika dziaržavy MZS Ukrainy pryniało vyčarpalnyja miery, u vyniku jakich vyzvalenyja ŭsie balelščyki, u tym liku tyja vosiem fanataŭ, jakija byli aryštavanyja na roznyja terminy», — cytuje Pierabijnisa ahienctva Intierfaks-Ukraina.
Hrupa biełaruskich i ŭkrainskich zaŭziataraŭ była zatrymanaja ŭ Barysavie paśla matča nacyjanalnych futbolnych zbornych Biełarusi i Ukrainy 9 kastryčnika. Na nastupny dzień nad imi prajšli sudy. Prysudy byli vyniesieny 24 fanatam — 12 biełarusam i 12 ukraincam. Vosiem ukraincaŭ byli pakaranyja administracyjnymi aryštami ad 5 da 10 sutak, jašče čaćviora atrymali štrafy ad 1 da 1,5 młn. rubloŭ. Biełarusy aštrafavanyja na 600 tys. rubloŭ kožny.
