Bolšaść delehataŭ Źjezda Partyi BNF vykazalisia za toje, kab padtrymać ŭ jakaści adzinaha kandydata ŭ prezidenty na vybarach 2015 hoda staršyniu ruchu «Za svabodu» Alaksandra Milinkieviča.
Padčas Źjezda Alaksiej Janukievič zajaviŭ, što nie ličyć nieabchodnym Partyi BNF iści z partyjnym kandydatam na Kanhres demakratyčnych siłaŭ, bo ŭ jaho ŭsio roŭna nie budzie šancaŭ atrymać potym padtrymku pamiarkoŭnaj častki biełaruskaha hramadstva.
U suviazi z hetym padčas Źjezda byłr praviedziena tajemnaje rejtynhavaje hałasavańnie pa pytańni, jaki biełaruski palityk ličycca ŭ Partyi BNF najbolš prymalnaj asobaj u jakaści adzinaha kandydata. Byli prapanovany piać mahčymych kandydatur: Alena Anisim, Alaksandr Milinkievič, Anatol Labiedźka, Uładzimir Niaklajeŭ i Mikałaj Statkievič.
Vyniki hałasavańnia atrymalisia nastupnymi:
- Alaksandr Milinkievič — 68 hałasoŭ
- Mikałaj Statkievič — 21
- Alena Anisim — 20
- Uładzimir Niaklajeŭ — 14
- Anatol Labiedźka — 1
Milinkievič: U 2015 h. budzie vyrašacca los Biełarusi
