Knižka Haliny Paźniak «Biełaruś u sercy», — adno ź pieršych vydańniaŭ, dzie pradstaŭleny ŭspaminy pra ruch Biełaruskaha Adradžeńnia ŭ kancy 80‑ i 90‑ch hadach minułaha stahodździa, jaki pryvioŭ da adnaŭleńnia niezaležnaści Biełarusi.
U knizie padadzieny taksama ŭspaminy z žyćcia ŭ SSSR, ab dačynieńniach z Vasilom Bykavym, a taksama zapisy razmovaŭ kiraŭnikoŭ Frontu ab peŭnych padziejach niadaŭniaj biełaruskaj minułaści, litaraturnyja recenzii i inš.
Usio heta novy materyjał, jaki, spadziajusia, pasłužyć na karyść našaj Baćkaŭščyny i memuarnaj litaratury.
Uspaminy Haliny Paźniak majuć jašče tuju asablivuju kaštoŭnaść, što napisanyja čałaviekam, jaki niepasredna dziejničaŭ i pracavaŭ u frontaŭskich strukturach i ŭ strukturach miascovaj vybarnaj i vykanaŭčaj ułady (Mienski Harsaviet i Mienski Harvykankam). Tut padajecca svoj asabisty (i tym kaštoŭny) pohlad znutry na Biełaruskaje Adradžeńnie i na sistemu dačynieńniaŭ pamiž tychčasovaj uładaj i Adradžeńniem. U tekstach zakranutyja płasty, jakija jašče nikoli nie traplali na staronki ciapierašniaha druku. Hetaja kniha, taksama jak i pracy Siarhieja Navumčyka, — cahlinka ŭ historyju biełaruskaha zmahańnia za niezaležnaść, nacyjanalnaje adradžeńnie i svabodu.
Kamientary