Minskaj milicyjaj pavodle padazreńnia ŭ machlarstvie adšukvajecca raniej sudzimy 38-hadovy staličny žychar, jaki prapanoŭvaŭ pasłuhi pa dastaŭcy aŭtamabilaŭ z-za miažy.
Jak paviedamlaje HUUS Minharvykankama, mužčyna raźmiaściŭ na adnym ź internet-sajtaŭ abjavu, u jakoj prapanoŭvaŭ pasłuhi pa dastaŭcy aŭtamabilaŭ z RF. Kab u klijentaŭ nie ŭźnikała sumnieńniaŭ u dobraprystojnaści indyvidualnaha pradprymalnika, usie adpaviednyja dakumienty afarmlalisia ŭ jaho kvatery. Adnoj z umoŭ składańnia dahavora było abaviazkovaje ŭniasieńnie papiaredniaj apłaty nie mienš jak 20% koštu aŭtamabila. Terminy pastaŭki ahavorvalisia ŭ miežach ad siami dzion da miesiaca.
Paśla zakančeńnia terminu dahavora aŭtamabili klijenty nie atrymlivali, a ŭ telefonnych hutarkach kamiersant rehularna ŭkazvaŭ roznyja pryčyny, z-za jakich transpartnyja srodki jašče nie pastaŭleny.
Tym, chto paciarpieŭ ad dziejańniaŭ machlara, prapanujecca paviedamić u orhany ŭnutranych spraŭ.
Kamientary