Prezident Rasii Uładzimir Pucin zajaviŭ pra hatoŭnaść Maskvy spryjać pracesu advodu vojsk i ŭzbrajeńniaŭ ukrainskaj armii i bajevikoŭ na Danbasie.
Pra heta jon skazaŭ na pres-kanfierencyi ŭ Miłanie.
«My pastarajemsia paspryjać, papasiaredničać, parašać, znajści prymalnyja raźviazki», — zajaviŭ Pucin.
Jon rastłumačyŭ, što bajeviki pražyvajuć u niekatorych nasielenych punktach, jakija pavinny pakinuć. «Jany kažuć, što my nie možam adtul syści, tam žyvuć našy svajaki, žonki, dzieci», — skazaŭ Pucin.
«Nie ŭličvać heta niemahčyma. Ukrainski bok viedaje hetyja prablemy», — adznačyŭ kiraŭnik rasijskaj dziaržavy.
Pavodle jaho słoŭ, «jość i inšyja nasielenyja punkty, dzie da hetaha času znachodziacca pradstaŭniki Uzbrojenych sił Ukrainy, i ŭ adpaviednaści ź minskimi damoŭlenaściami jany pavinny byli b syści adtul, ale pakul nie sychodziać».
Pucin taksama zajaviŭ, što Rasija prymie ŭdzieł u apieracyi pa manitorynhu bieśpiłotnikami linii raźmiežavańnia va Ukrainie.
«Jość pytańni z kantrolem za linijaj raźmiežavańnia. Tut my prasunulisia, na moj pohlad, vielmi niadrenna, tamu što damovilisia pra toje, što budziem vykarystoŭvać bieśpiłotnyja latalnyja aparaty, sučasnuju techniku, jakaja dazvalaje vyznačyć miesca naniasieńnia udaraŭ, kali takoje adbyvajecca», — skazaŭ jon.
Pa słovach Pucina, u hetaj pracy vykazali žadańnie pryniać udzieł Italija, Francyja, Hiermanija i Rasija.
«Śpiecyjalisty pavinny buduć sabracca ŭ bližejšy čas u Vienie na placoŭcy ABSIE i vyrašyć techničnyja pytańni», — skazaŭ Pucin.
