Afierysty pradstavilisia 88-hadovaj žančynie karespandentami miascovaj haziety.
Jak paviedamili «IR» u Baranavickim HAUS, 22 kastryčnika dźvie žančyny šlacham padmanu trapili ŭ kvateru da sastarełaj babuli i ŭkrali ŭ jaje 15 miljonaŭ rubloŭ.
– Złačyncy spačatku sprabavali datelefanavacca da piensijanierki praz damafon, adnak taja nie zdymała trubku. Tady afierystki nabrali numar kvatery susiedziaŭ, i jany biez pytańniaŭ adkryli dźviery ŭ padjezd, – raskazała pres-aficer Baranavickaha HAUS Volha Sakuta.
Potym machlarki padnialisia ŭ patrebnuju kvateru, pradstavilisia stałaj žančynie supracoŭnikami miascovaj haziety i raskazali ab «nieŭzabavie majučaj adbycca denaminacyi».
— «Žurnalistki» prapanavali staroj žančynie abmianiać hrošy, jakija źbirała na svajo pachavańnie, na novyja kupiury – babula pahadziłasia. I pakul hości niby pierapisvali numary starych banknotaŭ, piensijanierka pajšła zrabić im harbaty. Adnak viarnuŭšysia, užo nie ŭbačyła ni hrošaj, ni «karespandentaŭ», – padahulniła Volha Sakuta.
U milicyi nahadvajuć, što nie varta admykać dźviery nieznajomym ludziam, kab nie stać achviaraju złačynstva.