Biełteleradyjokampanija abjaviła pra pačatak pryjomu zajavak na ŭdzieł u nacyjanalnym adboračnym tury mižnarodnaha televizijnaha konkursu pieśni «Jeŭrabačańnie-2015».
Jak paviedamlaje pres-słužba BTRK, da ŭdziełu ŭ adbory ŭ jakaści vykanaŭcy pieśni dapuskajucca hramadzianie Biełarusi, a taksama zamiežnyja hramadzianie i asoby biez hramadzianstva, jakija pastajanna žyvuć na terytoryi RB i na momant padačy zajaŭki dasiahnuli 16 hadoŭ.
U prajekcie moža brać udzieł pieśnia (muzyka i/abo tekst), jakaja raniej nie była kamiercyjna realizavanaja: raspaŭsiudžana praź internet ci na niejkich nośbitach (aŭdyjokasiety, kampakt-dyski, mini-dyski i inšaje) šlacham prodažu ci inšym sposabam, pieradadziena ŭ radyjo- ci televizijny efir, a taksama vykanana publična da 1 vieraśnia 2014 hoda. Maksimalnaja praciahłaść pieśni — try chviliny.
Zajaŭku nieabchodna adpravić da 21 listapada kaštoŭnaj banderollu na adras: 220807, h. Minsk, vuł. Makajonka, 9, Biełteleradyjokampanija, z pamietkaj «Nacyjanalny adboračny tur konkursu pieśni «Jeŭrabačańnie-2015».
Prajekt pravodzicca ŭ dva etapy: prasłuchoŭvańnie ŭdzielnikaŭ i finał. Prasłuchoŭvańnie, pa vynikach jakoha buduć vyznačanyja finalisty, adbudziecca da 5 śniežnia. Finał prajekta projdzie nie paźniej za 23 studzienia 2015 hoda ŭ farmacie televizijnaha kancerta ŭ pramym efiry.
Pieramožca adboračnaha tura budzie pradstaŭlać Biełaruś na mižnarodnym konkursie pieśni «Jeŭrabačańnie-2015» u Vienie (Aŭstryja).
Kamientary