Amierykanski školnik rasstralaŭ adnakłaśnikaŭ z-za kpinaŭ i zastreliŭsia sam
Vinavatym u stralaninie, jakaja adbyłasia ŭ piatnicu, 24 kastryčnika, u starejšaj škole horada Meryśvił pad Sietłam (štat Vašynhton, ZŠA), akazaŭsia vučań Džejlen Frajbierh.
U vyniku zdareńnia paciarpieli čatyry čałavieki, dvoje zahinuli, u tym liku i sam Frajbierh. Pra heta paviedamlaje CNN.
Pavodle dadzienych vidavočcaŭ, ranicaj kala 10:00 pa miascovym časie junak zajšoŭ u školnuju stałovuju, nabliziŭsia da našaha stała, dzie siadzieli jaho adnakłaśniki, i streliŭ u ich prykładna šeść razoŭ. Zatym Frajbierh vyjšaŭ sa stałovaj i praciahnuŭ stralaninu, paśla čaho zastreliŭsia sam.
U škole pačałasia panika. Mnohija padumali, što niechta ŭklučyŭ pažarnuju sihnalizacyju, ale nastaŭniki paviedamili pra stralaninu ŭ palicyju i zahadali ŭsim zastavacca ŭ kłasach. Usiaho ŭ škole navučajecca 2500 čałaviek. Ratavalniki i pravaachoŭnyja orhany paźniej paśpiachova praviali evakuacyju.
Frajbierh lubiŭ palavać i ŭmieŭ abychodzicca sa zbrojaj. Jak paviedamlaje Hollywoodlife, vintoŭku, jakoj jon, vierahodna, skarystaŭsia u dzień trahiedyi, padaryli jamu baćki na dzień naradžeńnia. «Napeŭna, heta samy lepšy padarunak», — pachvaliŭsia małady čałaviek u Twitter.
Znajomyja Frajbierha raspaviali, što jon byŭ papularnym vučniem u škole. Adnak zusim niadaŭna jon staŭ abjektam kpinaŭ z boku adnakłaśnikaŭ. Pa inšych źviestkach, adna ź dziaŭčyn admoviłasia pajści ź im na spatkańnie, z-za čaho junak byŭ na jaje zły.
U čaćvier, 23 kastryčnika, jon napisaŭ svajo apošniaje paviedamleńnie: «Heta nie moža praciahvacca… Heta bolš nie budzie praciahvacca».
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Kamientary