Tvorčy duet fatohrafaŭ «Kanaploŭ + Lejdzik» 27 kastryčnika pravodzić dzień adčynienych dźviarej.
Fatohrafy Julija Lejdzik i Jaŭhien Kanaploŭ pracujuć razam z 2011 hoda. Važnym etapam u raźvićci ich tvorčaha dueta stała adkryćcio fotastudyi. Studyja daje mahčymaść nie tolki realizavać svaje prajekty, ale i źjaŭlajecca placoŭkaj dla navučeńnia fatahrafii pa pašyranaj prahramie kursa «JAK», praviadzieńnia sieminaraŭ i majstar-kłasaŭ, vystavaŭ, a taksama aŭkcyjonaŭ pa prodažy ŭžo hatovych rabot.
Fatohrafy źbirajucca raspradać ekspazicyju svajoj vystavy. Aŭkcyjon pačnuć 26 kastryčnika vuzkim kołam blizkich siabroŭ i kalehaŭ. Startavy košt kožnaj pracy vielmi demakratyčny — 500.000 rubloŭ.
Dla ŭsich, chto zachoča pahutaryć z fatohrafami i natchnicca ich pracami ŭ niazmušanaj atmaśfiery, a taksama nabyć fotapracy, 27 kastryčnika, u paniadziełak, z 12.00 da 20.00 u studyi projdzie Dzień adčynienych dźviarej. Jula i Ženia z zadavalnieńniem pahavorać z usimi haściami za kubkam harbaty.
Adras studyi: Minsk, Čyrvonaarmiejskaja, 21 (zavod imia Kirava)
Infarmacyja: +376 29176 56 26
Kamientary