«Danieckija partyzany» abjavili vajnu rasiejskim kazakam VIDEA
U internecie źjaviŭsia videazvarot ludziej, jakija nazvali siabie partyzanami Danbasa, da adnoj z rasiejskich uzbrojenych hrupovak, jakaja ciapier vajuje suprać Ukrainy.
U roliku ŭzbrojenyja ludzi biez palityčnaj simvoliki zajaŭlajuć, što im abrydła palityčnaje biazładździe na Danbasie ŭ rajonach, jakija kantralujuć prarasiejskija bajaviki, u pryvatnaści — kazaki.
«My chacieli b źviarnucca niepasredna da našych darahich kozaŭ, zhublenych, jakija trochi zhubilisia ad svajho statku. Jak jany kažuć, «danskija kazaki», i ichnaja hałoŭnaja kaza — hety Kazicyn. Pavažanyja kozy, my vielmi b vas paprasili, zhubiciesia z našaj ziamli», — havorycca ŭ zvarocie.
Ataman Kazicyn, jaki ŭzhadvajecca ŭ roliku, uznačalvaje rasiejski Sajuz kazakoŭ Vobłaści Vojska Danskoha z 1993 hoda, vajavaŭ u Prydniestroŭi, ź viasny 2014 hoda ŭdzielničaje ŭ kanflikcie na ŭschodzie Ukrainy. Paviedamlałasia, što jahonyja kazaki kantralujuć terytoryi ŭ rajonie horada Antracyt.
«My — narod Danbasa, ad jakoha vy ciapier trymajecie svajo słova. Nam užo hetyja kačeli palityčnyja voś dzie siadziać. Vy rabujecie, vy zabivajecie, hvałtujecie našych žančyn, i my abjaŭlajem vam vajnu da poŭnaha vašaha źniščeńnia», — kaža ŭ roliku čałaviek, uzbrojeny aŭtamatam.
U toj ž čas «partyzany» nie zajavili i pra padtrymku ŭkrainskaj ułady.
Kamientary