Ułady Ukrainy abmiežavali ŭjezd na terytoryju krainy 14 artystam i dziejačam kultury. Pra heta paviedamlaje ŭ aŭtorak «Interfaks» sa spasyłkaj na słovy ministra kultury Ukrainy Jaŭhiena Niščuka.
Urad Ukrainy pryniaŭ śpis z 14 rasijskich dziejačaŭ kultury, jakim zabaronieny ŭjezd na terytoryju krainy.
«Dyskusii ab uviadzieńni siektaralnych i piersanalnych sankcyj da dziejačaŭ kultury, jakija adkryta padtrymlivajuć Rasiju ŭ jaje ahresii pa Ukrainie, viaducca ŭžo z momantu pieršych takich zajaŭ. Tak, niadaŭna uradam byŭ pryniaty śpis z 14-ci čałaviek, jakija za ich antyŭkrainskuju pazicyju stali ŭ našaj krainie piersonami non-hrata», — zajaviŭ Niščuk.
Kankretny pajmienny śpis ukrainski bok vydavać admoviŭsia.
Pavodle mižnarodnych normaŭ, jak raskazaŭ ministr kultury, Ukraina nie moža jaho abviaścić. Jon pryvioŭ u prykład ZŠA, dzie ludzi daviedvajucca pra svoj status tolki pry sprobie pierasiačeńnia miažy.
Ujezd u krainu rasijskim artystam ŭžo abmiežavała Łatvija. U lipieni 2014 kraina zabaraniła ŭjezd na terytoryju krainy Iosifu Kabzonu, Alehu Hazmanavu i śpiavačcy Valeryi.
Taksama raniej paviedamlałasia, što Ukraina zabaraniła ŭjezd Iosifu Kabzonu, Ivanu Achłabyścinu i Michaiłu Zadornavu.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary