Uładzimier Uładzimieravič mianiaje prafesiju
Ryzyknu vykazać mierkavańnie, što ŭ nastupnym hodzie Maskvie budzie nadta nie da Biełarusi. Heta dazvolić Miensku jašče niejki čas doŭžyć taktyku siadzieńnia na dvuch kresłach.
Takim čynam, Pucin pahadziŭsia być premjeram pry prezydencie Miadźviedzievu. Zadumanaja Kramlom dźviuchhałovaja kanstrukcyja pakul što padajecca davoli ryzykoŭnaj. Mahčyma, važnyja detali scenaru jašče ŭ cieni?
Zrazumieła, papularnaść Pucina zaraz stanie lakamatyvam dla rejtynhu jahonaha favaryta. Nu a potym, paśla elehantnaj pieramohi? Z adnaho boku, Pucin nibyta suprać pierafarmatavańnia ŭładnych paŭnamoctvaŭ na karyść kiraŭnika ŭradu. Ź inšaha boku, zrazumieła ž, što paśla vaśmi hadoŭ u roli haspadara Kramla jon — fihura nieparaŭnalna bolej maštabnaja dy ŭpłyvovaja, čym "techničnyja" Fradkoŭ ci Zubkoŭ. Zvyš taho — faktyčny lider kiroŭnaj partyi.
Ci nie pačniecca pieraciahvańnie viaroŭki? Heta siońnia Miadźviedzieŭ vyhladaje całkam kiravanaj kreaturaj. A kali prymieryć karonu? Pamiatajecie metamarfozu ścipłaha Bunšy sa staroj kamedyi "Ivan Vasilevič mianiaje prafesyju"? :)
Va ŭsiakim razie, dla biełaruskaha kiraŭnictva znoŭ, pakul što pryvidna, paŭstaje šaniec zhulać na imaviernaj rasiejskaj smucie.
Ale navat kali tam abydziecca biez kalizii halinaŭ ułady, to ryzyknu vykazać mierkavańnie, što ŭ nastupnym hodzie Maskvie budzie nadta nie da Biełarusi. Bo tak ci inačaj spatrebicca čas na prycirku novaj uładnaj kanfihuracyi.
Heta dazvolić Miensku jašče niejki čas doŭžyć taktyku siadzieńnia na dvuch kresłach: z adnaho boku, sproby nakinuć Eŭropie "prahmatyčny dyjaloh", ź inšaha — recydyvy rytoryki pra asablivyja dačynieńni z Rasiejaj (padtekst: dajcie choć jakuju źnižku!).
Ale rana ci pozna Maskva pačnie cisnuć pa poŭnaj prahramie. Paratunak mahli b dać ekanamičnaja transfarmacyja (saskok z naftahazavaj ihołki) dy pastupovaje adkručvańnie hajek u palityčnym žyćci, što dazvoliła b sapraŭdy razmarozić eŭrapiejski vektar.
Ale da takoj metamarfozy biełaruskaja ŭłada siońnia jaŭna nie hatovaja.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary