Avijakampanija «Biełavija» pryniała rašeńnie ab praviadzieńni rebrendynhu.
U červieni 2014 hoda «Biełavija» i karparacyja Boeing (ZŠA) padpisali pahadnieńnie ab pieršaj kupli troch novych samalotaŭ Boeing 737-800 Next-Generation z zavoda-vytvorcy. Čakajecca, što hetyja samaloty papoŭniać fłot avijakampanii na hod raniej za damoŭny termin — u pačatku 2016 hoda.
Jak paviedamiła pres-słužba biełaruskaj avijakampanii, Boeing prapanavaŭ dadatkovuju opcyju — sadziejničańnie ŭ praviadzieńni rebrendynhu «Biełavija». Prapanova zacikaviła kiraŭnictva biełaruskaha avijapieravozčyka: z červienia 2014 hoda śpiecyjalisty avijakampanii viaduć pracu pa padrychtoŭcy da rebrendynhu «ŭ ciesnym uzajemadziejańni z supracoŭnikami Boeing».
Paviedamlajecca taksama, što kiraŭnictva i supracoŭniki avijakampanii ź cikavaściu ŭspryniali prajekt rebrendynhu «Biełavija», prapanavany ŭ internecie biełaruskim dyzajnieram Iljom Andrejevym. «Biełavija» aznajomiła śpiecyjalistaŭ Boeing z hetym prajektam. U vyniku było pryniataje rašeńnie zaprasić Andrejeva da ŭdziełu ŭ sustrečy rabočaj hrupy avijakampanii sa śpiecyjalistami Boeing, jakaja projdzie ŭ Minsku 19—20 listapada.
«Pytańnie rebrendynhu ŭ nas uźnimajecca ŭžo niekalki hadoŭ. Jašče nikoli my nie byli tak blizka da realizacyi prajekta. Dziakuj našym partnioraŭ za prapanovu. My vielmi cenim dapamohu Boeing u hetym pytańni i spadziajemsia, što ŭ nas atrymajecca ŭsio realizavać, tym bolš realnaja praca ŭžo idzie poŭnym chodam», — padzialiŭsia hienieralny dyrektar AAT «Avijakampanija «Biełavija» Anatol Husaraŭ.
Karparacyja The Boeing Company zasnavanaja ŭ 1916 hodzie. Štab-kvatera znachodzicca ŭ Čykaha (štat Ilinojs, ZŠA). Vypuskaje šyroki śpiektr hramadzianskaj i vajennaj avijacyjnaj techniki, źjaŭlajučysia naroŭni z Airbus najbujniejšym vytvorcam samalotaŭ u śviecie. Akramia hetaha, Boeing vypuskaje šyroki śpiektr avijacyjna-kaśmičnaj techniki vajennaha pryznačeńnia (u tym liku viertaloty), viadzie šyrokamaštabnyja kaśmičnyja prahramy.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary