Aficer bataljona «Azoŭ» budzie kiravać milicyjaj Kijeŭskaj vobłaści
Ministr unutranych spraŭ Ukrainy Arsien Avakaŭ pryznačyŭ 35-hadovaha namieśnika kamandzira bataljona «Azoŭ» Vadzima Trajana načalnikam milicyi Kijeŭskaj vobłaści, paviedamlaje sajt MUS Ukrainy.
«Vadzim pryjšoŭ dobraachvotnikam u bataljon «Azoŭ» u traŭni miesiacy i razam z (kamandziram bataljona) Andrejem Bileckim dy kamandaj «azoŭcaŭ» vyzvalaŭ Maryupal ad terarystaŭ, braŭ udzieł u Iłavajskaj apieracyi, abaraniaŭ Maryupal ad nastupu rasiejska-fašysckich zachopnikaŭ z aŭtamatam u rukach», — skazaŭ daradca ministra MUS Ukrainy Anton Hieraščanka.
«Zaraz milicyja Kijeŭskaj vobłaści stanie prykładam dla ŭsioj astatniaj Ukrainy. My vykarystajem pieradavyja padychody dla reformy MUS u Kijeŭskaj vobłaści. I ja, i ciapier užo narodny deputat Andrej Bilecki, i ŭsia kamanda «Azova» buduć dapamahać Vadzimu navieści paradak i refarmavać milicyju», — dadaŭ Hieraščanka.
Trajan vučyŭsia ŭ Charkaŭskim univiersitecie ŭnutranych spraŭ, źjaŭlajecca siabram nacyjanalistyčnaj arhanizacyi «Patryjot Ukrainy», byŭ uznaharodžany za bajavyja zasłuhi ordenam Bahdana Chmialnickaha.
Bataljon «Azoŭ» ličycca adnoj z najbolš bajazdolnych i paśpiachovych ukrainskich dobraachvotnickich adzinak. Jon viadomy tym, što ŭ jahonym składzie šmat prychilnikaŭ ultrapravych pohladaŭ i futbolnych fanataŭ. ŚMI paviedamlali, što jość siarod «azoŭcaŭ» i biełarusy.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2323
Kamientary