Art-dyrektar «Dazary»: «Ja ničoha nie razumieju pa-biełarusku. Ničoha kamientavać nie budu»
1 listapada ŭ minskim kłubie «Dazary» prajšła tematyčnaja viečaryna «Ruskim być modna». Na 2 i 3 listapada namiečanaje mierapryjemstva pad nazvaj Russian night (Ruskaja noč). Na afišy namalavany Pucin, aŭtamat Kałašnikava, matroški i Kreml.
Na sajcie «Dazary» napisana: «Ech, duša ruskaja! Na prastorach Dozari siońnia zmoža razhulacca sapraŭdy patryjot ruskaha kałarytu: matroški buduć niaścipła paśmichacca, a zapaciełaja čarka dy pad bałałajku prycharašyć asieńniuju noč. Kali ŭnutry vas žyvie ahieńčyk nieŭtajmoŭnaj ruskaj viesiałości, sapraŭdnaha hareznaha visusa i hulaki — zaprahajcie sanki, narod, dy imčyciesia ŭ Dozari, dzie ruskim być modna!»
My patelefanavali ŭ kłub «Dazary», dzie nam paviedamili, što za viečarynu adkazvaŭ art-dyrektar ustanovy Alaksandr «Saŭnd» Kroitar (na fota nižej). My patelefanavali jamu, kab daviedacca, u čym byŭ sens hetaha mierapryjemstva.
«Alaksandr, dobry dzień. Z haziety «Naša Niva» vas turbujuć. Ci nie mahli b vy prakamientavać viečaryny «Ruskim być modna» i «Ruskaja noč» u kłubie «Dazary»? Jany vyklikajuć nieadnaznačnuju reakcyju ŭ hramadstvie».
«Ja ni słovo nie poniał iz toho, čto vy mnie skazali».
«Vy nie razumiejecie dziaržaŭnuju movu Respubliki Biełaruś?»
«Ja russkij, iz Sibiri».
«Ale ž Vy znachodziciesia na terytoryi Biełarusi».
«Kakaja raźnica, hdie ja nachožuś», — adkazaŭ Alaksandr.
Paśla jašče kolkich fraz pierapytvajusia heta ž samaje tolki pa-rusku. Art-dyrektar papytaŭsia, u čym nieadnaznačnaść viečaryny.
«Viedajecie, nie na kožnaj afišy jość Pucin i aŭtamat Kałašnikava».
«Ja ŭstrymajusia ad kamientaroŭ».
«A viečarynu «Biełarusam być modna» vy budziecie pravodzić?»
Na hetym spadar Kroitar pakłaŭ słuchaŭku. Sproby dazvanicca da art-dyrektara «Dozary» jašče raz plonu nie mieli, jon prosta nie adkazvaŭ.
Kamientary