ŁDP čarhovym razam prapanoŭvaje pierajmienavać Dzień Kastryčnickaj revalucyi ŭ Dzień zhody i prymyreńnia
Libieralna-demakratyčnaja partyja Biełarusi čarhovym razam źviarnułasia da ŭładaŭ z prapanovaj razhledzieć pytańnie ab pierajmienavańni Dnia Kastryčnickaj revalucyi, jaki adznačajecca 7 listapada, u Dzień zhody i prymireńnia.
«7 listapada 1917 hoda nazaŭsiody źmianiła historyju našaj krainy, ale biełarusy pa-roznamu staviacca da hetaj daty. Nam zaŭždy kazali, što hety dzień prynios śvietłaje i dobraje dla kožnaha hramadzianina našaj krainy, — havorycca ŭ zvarocie ŁDP. — Ale dla mnohich 7 listapada — heta pačatak vajny balšavikoŭ z pravasłaŭnaj i katalickaj cerkvami, kali na praciahu niekalkich hadoŭ praktyčna źniščyli sasłoŭi dvaranstva, intelihiencyi i duchavienstva, dla mnohich heta nastupnyja represii, prymusovaja kalektyvizacyja i tysiačy biaźvinnych achviaraŭ».
Libieralna-demakratyčnaja partyja, zaznačajecca ŭ zvarocie, «zaŭsiody kazała, što treba canić, pavažać i bierahčy svaju historyju. My nie spračajemsia i viedajem, što za 70 hadoŭ SSSR aprača strašnaha i žudasnaha było zroblena šmat dobraha: była i pieramoha ŭ Vialikaj Ajčynnaj vajnie, było i pakareńnie kosmasu, mienavita dziakujučy padziejam kastryčnika 1917 hoda Respublika Biełaruś nabyła svaju dziaržaŭnaść, i siońnia my žyviem u niezaležnaj i suvierennaj krainie».
«Mienavita tamu Libieralna-demakratyčnaja partyja prapanoŭvaje pakinuć hetuju datu jak čyrvony dzień kalendara, ale nazva śviata bieznadziejna sastareła. Treba pavažać našu historyju i da 1917 hoda, i paśla, treba pamiatać i šanavać usio, niezaležna ad ideałahičnych, palityčnych roznahałośsiaŭ», — havorycca ŭ zvarocie.
Da 1991 hoda ŭ SSSR Dzień Vialikaj Kastryčnickaj sacyjalistyčnaj revalucyi ličyŭsia hałoŭnym dziaržaŭnym śviatam krainy. Siońnia Biełaruś — adzinaja na postsavieckaj prastory kraina, dzie 7 listapada pa-raniejšamu adznačajuć jak Dzień Kastryčnickaj revalucyi, jaki maje status dziaržaŭnaha śviata i źjaŭlajecca vychadnym dniom. U Rasii 7 listapada adznačajuć jak Dzień zhody i prymireńnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary