Tak zvanaja «Isłamskaja dziaržava Iraka i Siryi» arhanizavała vialikuju sietku škoł i baz padrychtoŭki dziaciej, u jakich tyja atrymlivajuć ideałahičnyja i vajskovyja viedy. Bajeviki płanujuć, što vajna suprać chryścijanskaj cyvilizacyi budzie doŭhaj, i spadziajucca, što ŭ budučym hetyja dzieci zojmuć ich miesca.
Niama kankretnych dadzienych pra kolkaść dziaciej, jakija patrapili pad kantrol isłamistaŭ, ale śviedčańni i apoviedy ŭciekačoŭ, jakija byli sabranyja AAN, pravaabaroncami i žurnalistami, pakazvajuć, što lik idzie na tysiačy.
Baćki časam kažuć, što nie mohuć pierakanać dziaciej nie vieryć prapahandzie isłamistaŭ.
Bajeviki navučylisia manipulavać dziećmi i padletkami, demanstrujučy svaju niepieramožnaść i abiacajučy raj paśla śmierci, jany pravodziać «bujnuju i niebiaśpiečna paśpiachovuju viarboŭku», skazaŭ namieśnik hienieralnaha sakratara AAN pa pravach čałavieka Ivan Simanavič. Jon asabista pravodziŭ u Iraku razmovy z uciekačami z terytoryj, jakija byli zachoplenyja isłamistami.
Dziaciej taksama vykarystoŭvajuć u bajach jak žyvyja ščyty albo jak donaraŭ kryvi dla darosłych bajevikoŭ, raspaviadaje Šeli Uitmen, kiraŭnička arhanizacyi Roméo Dallaire Child Soldiers Initiative.
Na videa, jakoje zrabiła kampanija Vice News hetym letam, 9-hadovy chłopiec raspaviadaje, što nakiroŭvajecca ŭ vajskovy łahier, kab vučycca vałodać zbrojaj.
«Bajeviki śviadoma nie tolki zabaraniajuć pracu zvyčajnych škoł, ale i pramyvajuć mazhi ludziam na padkantrolnych terytoryjach. Jany parušajuć pravy dziaciej u pramysłovych maštabach, sistematyčna dehumanizujuć moładź. Heta budzie prablemaj na šmat pakaleńniaŭ», — adznačaje hienierał-lejtenant armii ZŠA Hierbiert Makmaster, jaki zajmajecca acenkaj budučych prablem dla amierykanskich uzbrojenych sił.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary