U minskim Domie-internacie dla piensijanieraŭ i invalidaŭ adkryłasia adździaleńnie dzionnaha znachodžańnia
U DU «Dom-internat dla piensijanieraŭ i invalidaŭ» u Minsku adkryłasia adździaleńnie dzionnaha znachodžańnia, paviedamiła dyrektar ustanovy Viera Lajkoŭskaja na pres-kanfierencyi 4 listapada.
«Užo raspracavanyja ŭsie narmatyŭnyja dakumienty pa dzionnym znachodžańni hramadzian, i my hatovyja prymać ich», — skazała jana.
Adździaleńnie budzie pracavać tolki ŭ budnyja dni. Košt znachodžańnia ŭ im składaje pryblizna 2,5 młn rubloŭ u miesiac i ŭklučaje charčavańnie, miedycynskaje absłuhoŭvańnie, sacyjalny dohlad i arhanizacyju volnaha času.
Pieršapačatkova adździaleńnie raźličanaje na 15 čałaviek, ale, pavodle słoŭ dyrektara internata, pry nieabchodnaści jano moža być pašyranaje.
«Ja miarkuju, što siońnia forma dzionnaha znachodžańnia dazvalaje svajakam vyrašyć mnohija svaje prablemy. Jany nie addajuć svaich maci i baćku ŭ dom-internat, ale ŭ toj ža čas u ich jość mahčymaść praciahvać svaju pracoŭnuju dziejnaść i a vośmaj ranicy pryvieźci siudy maci ci baćku, a ŭ 18.00, jak u dziciačym sadku, zabrać dadomu», — skazała Lajkoŭskaja.
Jana vykazała nadzieju, što hetaja forma znachodžańnia ŭ internacie budzie zapatrabavanaj. «Razmaŭlajučy sa svajakami, ja baču, što mnohija adčuvajuć siabie psichałahična niekamfortna z-za taho, što jany pavinny pracavać, utrymlivać svaju siamju i vymušanyja addać svaich maci ci baćku ŭ dom-internat», — zaznačyła dyrektar.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary