Va ŭkrainskaj armii sfarmavanyja niekalki novych častak i abjadnańniaŭ dla pierakryćcia mahčymaha nastupu na Maryupal, Charkaŭ, Biardziansk i ŭ napramku Dnieprapiatroŭskaj vobłaści, zajaviŭ prezident Ukrainy Piatro Parašenka.
Pa słovach Parašenki, takoje daručeńnie jon daŭ načalniku Hienštaba Ukrainy Viktaru Muženku i kiraŭniku ŭkrainskaha Minabarony Ściapanu Paŭtaraku. Jon taksama dadaŭ, što na ŭschodzie Ukrainy płanujecca pabudavać fartyfikacyjnyja zbudavańni, i adznačyŭ, što armija atrymlivaje nieabchodnaje ŭzbrajeńnie i vajennuju techniku.
«Zastajučysia prychilnikam mirnaha płana, Ukraina budzie vielmi adkazna stavicca da dakładnaha zachavańnia minskich damoŭlenaściej. Ale heta nie aznačaje, što Ukraina nie budzie hatovaja da rašučych dziejańniaŭ u vypadku piesimistyčnaha scenarf», — padkreśliŭ prezident Ukrainy na pasiadžeńni Rady nacyjanalnaj biaśpieki i abarony krainy.
Raniej, 2 listapada, harsaviet Maryupala paviedamiŭ, što kala błokpasta na vulicy Tahanrohskaj prahrymieŭ vybuch padčas ahladu cyvilnaha aŭtamabila. Achviarami vybuchu stali sałdat i aficer Uzbrojenych sił Ukrainy. Pieršy pamior pa darozie ŭ balnicu, druhi — na apieracyjnym stale. Jašče adzin vajskoviec atrymaŭ ranieńni siaredniaj stupieni ciažkaści. Kiroŭca mašyny atrymaŭ lohkija ranieńni noh.
Aŭtamabil, padčas ahladu jakoha adbyŭsia vybuch, jechaŭ u Maryupal z boku pasiołka Vinahradnaje. Pa papiarednich dadzienych, heta była sproba pravieźci vybuchoŭku praz błakpost.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary