Nabyŭ moc pryhavor u dačynieńni da 40-hadovaj niepracujučaj žycharki Kobryna, jakaja abvinavačvajecca ŭ zbycie marychuany.
Jak paviedamiła prakuror adździeła prakuratury Bresckaj vobłaści Viera Fiłonik, žančyna va nieŭstanoŭleny čas i va nieŭstanoŭlenym miescy nabyła marychuanu.
31 studzienia ŭ Kobrynie jana zbyła miascovamu žycharu 30 hramaŭ hetaha narkotyku za 70 dołaraŭ ZŠA. 5 lutaha pry sprobie pradać 31 hram marychuany žančynu zatrymali supracoŭniki milicyi. U dačynieńni da jaje była raspačata kryminalnaja sprava.
11 vieraśnia sud Kobrynskaha rajona pryznaŭ žančynu vinavataj u niezakonnym z metaj zbytu nabyćci, zachoŭvańni i zbycie narkatyčnaha srodku (na padstavie č. 3 art. 328 KK), učynienym raniej sudzimym za anałahičnaje złačynstva asobaj, i pryhavaryŭ da 10 hadoŭ pazbaŭleńnia voli ŭ kałonii ahulnaha režymu z kanfiskacyjaj majomaści.
«U sudzie žančyna nie pryznała svajoj viny i abskardziła vyniesieny joj pryhavor, — dapoŭniła Fiłonik. — Sudovaja kalehija pa kryminalnych spravach Bresckaha abłasnoha suda 4 listapada pakinuła skarhu biez zadavalnieńnia. Pryhavor suda pieršaj instancyi nabyŭ zakonnuju moc».
Jak adznačyła Fiłonik, u 2005 hodzie žančyna była pryhavorana sudom Kobrynskaha rajona da vaśmi hadoŭ i troch miesiacaŭ pazbaŭleńnia voli taksama za zbyt marychuany.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary