Biełaruś raźličvaje na dalejšuju narmalizacyju adnosin ź Jeŭrasajuzam, zajaviŭ 4 listapada na plenarnym pasiadžeńni Ch Biełaruska-litoŭskaha ekanamičnaha forumu ŭ Mahilovie premjer-ministr Biełarusi Michaił Miaśnikovič.
Jon padkreśliŭ, što ź Jeŭrapiejskim sajuzam vybudavany davoli aktyŭny dyjałoh i jość šerah pazityŭnych rašeńniaŭ z boku Brusiela.
«My spadziajomsia, što nastupnym krokam stanie admiena abmiežavańniaŭ na pieramiaščeńnie kapitału, i heta budzie łahičnym rašeńniem, — skazaŭ Miaśnikovič. — My heta pytańnie ahavaryli i na biełaruska-amierykanskim inviestycyjnym forumie, jaki niadaŭna praviali ŭ Ńju-Jorku. Jość razumieńnie taho, što treba iści pa šlachu źniaćcia ŭsich abmiežavańniaŭ u pracy ź biełaruskimi finansavymi — i nie tolki — arhanizacyjami».
Pavodle słoŭ premjer-ministra, jość usie padstavy mierkavać, što jeŭrapiejskija partniory zrazumieli bieśpierśpiektyŭnaść palityki sankcyj i ŭltymatumaŭ.
Pry hetym Miaśnikovič adznačyŭ, što pośpiech biełaruska-litoŭskaha supracoŭnictva šmat u čym vyznačajecca narmalizacyjaj biełaruska-jeŭrapiejskich adnosin. «My razhladajem pytańni biełaruska-litoŭskich adnosin u tym liku praz pašyreńnie supracoŭnictva z abjadnanaj Jeŭropaj», — skazaŭ jon.
Nahadajem, 30 kastryčnika Saviet ES pradoŭžyŭ termin dziejańnia abmiežavalnych mier u dačynieńni da Biełarusi da 31 kastryčnika 2015 hoda ŭ suviazi z tym, što «palitźniavolenyja dahetul nie vyzvalenyja, a palapšeńniaŭ u śfiery pavahi pravoŭ čałavieka, viaršenstva zakona i demakratyčnych pryncypaŭ u Biełarusi nie nazirajecca». U toj ža čas z sankacyjnaha śpisu byli vyklučany 24 fizičnyja asoby i siem pradpryjemstvaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary