Ekśpierty Suśvietnaha banka rekamiendujuć Biełarusi ŭličvać ryzyki, źviazanyja z maštabnaj dziaržpadtrymkaj pradpryjemstvaŭ, paviedamiła 4 listapada na bryfinhu ŭ Minsku kiraŭnik hrupy ekśpiertaŭ SB pa praviadzieńni acenki efiektyŭnaści dziaržaŭnych raschodaŭ u Biełarusi Alena Nikulina.
«Kali my znajomilisia ź dziaržfinansami Biełarusi, my dla siabie adznačyli, što dziaržpadtrymka ŭ krainie isnuje, jana davoli maštabnaja, i heta adroźnivaje biełaruskuju ekanomiku», — adznačyła Nikulina.
Pavodle jaje słoŭ, efiektyŭnaść usioj sistemy dziaržpadtrymki, jakaja isnuje ŭ krainie, padčas padrychtoŭki Suśvietnym bankam spravazdačy ab efiektyŭnaści kiravańnia dziaržfinansami nie analizavałasia. «Tym nie mienš my adznačyli, što niekatoryja formy takoj padtrymki stvarajuć istotnyja makrafinansavyja ryzyki dla ekanomiki. Naša rekamiendacyja zaklučajecca ŭ tym, što hetyja ryzyki nieabchodna abaviazkova ŭličvać i analizavać», — padkreśliła Nikulina.
Ryzyki źviazanyja z tymi formami padtrymki, jakija majuć kvazifiskalny charaktar, dadała jana.
«Kali havorka idzie pra srodki biudžetu, to tut praces rasparadžeńnia imi pastaŭleny ŭ Biełarusi na dobruju asnovu. Kali ž my havorym pra apieracyi, jakija majuć kvazifiskalny charaktar i naŭprost nie adlustravanyja ŭ biudžecie, tut situacyja inšaja. Nam padałosia, što jakaść analizu i manitorynhu takich apieracyj mahła być vyšejšaj», — skazała Nulina.
U svaju čarhu namieśnik ministra finansaŭ Maksim Jermałovič paviedamiŭ, što Minekanomiki raspracoŭvaje prajekt novaj kancepcyi sistemy dziaržpadtrymki ŭ Biełarusi.
«My razumiejem, što miechanizmy dziaržpadtrymki patrabujuć udaskanaleńnia, i zaraz raspracoŭvajecca novaja kancepcyja jaje akazańnia, — skazaŭ jon. — Siońnia havorka idzie pra toje, što meta dziaržpadtrymki — nie padtrymka pradpryjemstvaŭ u składanych ekanamičnych umovach, taki padychod siabie vyčarpaŭ. Siońnia nieabchodna šukać instrumienty, jakija buduć spryjać pavyšeńniu efiektyŭnaści pracy pradpryjemstvaŭ. Heta značyć nieabchodna ŭkaraniać novyja stymuły ŭ sistemu dziaržpadtrymki».
Pavodle infarmacyi BiełaPAN, płan sistemnych mier pa zbałansavanym raźvićci ekanomiki ŭ 2014—2015 hadach, jaki ŭ žniŭni ŭchvaliŭ urad, praduhledžvaje miery, skiravanyja na pierahlad miechanizmaŭ dziaržpadtrymki ekanomiki. U pryvatnaści dakumient praduhledžvaje admovu ad indyvidualnych form padtrymki dziaržaŭnych pradpryjemstvaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary