Hienštab uzbrojenych sił Rasii nazvaŭ «zaviedama iłžyvym ukidam» zajavu samaabvieščanaha premjera «DNR» Alaksandra Zacharčanki ab pieradačy rasijskaha ŭzbrajeńnia.
Pra heta havorycca ŭ adkazie na zapyt deputata zakanadaŭčaha schodu Pieciarburha, ahladalnika «Novaj haziety» Barysa Višnieŭskaha.
Tak, 16 žniŭnia Zacharčanka zajaviŭ ab pieradačy sieparatystam «30 tankaŭ, 12 broniemašyn i 1200 adzinak asabovaha składu» z Rasii.
Śpikier Hienštaba Kartapołaŭ zajaviŭ, što Minabarony «ličyć kontrpraduktyŭnym aficyjna kamientavać biazdokaznyja pryvatnyja zajavy».
«Vystupleńnie hramadzianina A.V. Zacharčanki, raźmieščanaje na sajcie radyjostancyi «Echo Moskvy», vidavočna, zroblena z metaj akazańnia psichałahičnaha cisku na asabovy skład i kamandavańnie ŭzbrojenych sił Ukrainy i nie maje pad saboj nijakaj dokaznaj bazy», — skazaŭ jon.
Danieckaja narodnaja respublika nazvanaja ŭ adkazie Hienštaba «samaabvieščanaj», a kanflikt na ŭschodzie Ukrainy — «ŭnutryŭkrainskim».
Adznačym, što Višnieŭski adpraŭlaŭ zapyt nie ŭ Minabarony i nie ŭ Hienštab, a ŭ Śledčy kamitet Rasii. I ŭ zapycie jon prasiŭ nie prakamientavać zajavu, a pravieści pravierku źviestak ab pastaŭcy va Ukrainu vajennaj techniki z RF, navučańni najmitaŭ na terytoryi RF i ich udziele va ŭzbrojenym kanflikcie na terytoryi Danieckaj vobłaści.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary