U aŭtorak na jeŭrapiejskich i suśvietnych biržach praciahnułasia imklivaje padzieńnie klučavych hatunkaŭ nafty — Brent i WTI mienš čym za sutki stracili ŭ canie bolš za dva dalary za barel.
Padzieńnie kacirovak paćviardžajuć jeŭrapiejskija ahienctvy i anłajn-instrumienty handlu.
Syraja nafta jeŭrapiejskaj marki Brent (hatunak, jaki zdabyvajecca ŭ Paŭnočnym mory) da siaredziny ranišniaj biržavy siesii straciła 2,5% i ŭpała da $ 82.62 na Łondanskaj tavarnaj biržy. Amierykanskaja syraja nafta ciapier handlujecca pa kaciroŭkach kala $76 za barel, paviedamlaje brytanskaje vydańnie The Telegraph.
The Telegraph dadaje, što takija kaciroŭki źnižajuć košt amierykanskaj nafty da ŭzroŭniu, blizkaha da sabiekoštu, i z-za hetaha istotna skaračajuć prybytak amierykanskich naftavikoŭ.
Instrumienty manitorynhu koštu nafty demanstrujuć, što paśla ranišniaha padzieńnia jana trymajecca na nizkich adznakach. Minimalnyja kaciroŭki marki Brent paśla abiedu dasiahali $82.07 za barel. WTI taksama praciahvaje źnižeńnie ŭ bok indykatara $76.
![](http://nashaniva.com/img/w732d4webp1/photos/z_2014_11/nafta0411.jpg.webp)
Kaciroŭki rasijskaj nafty Urals stanuć viadomyja paśla zakančeńnia biržavoha dnia. Jak śviedčać hrafiki, Urals, jak praviła, tańnieje praź niekalki dzion paśla ŭstojlivaha źnižeńnia ceny na jeŭrapiejskuju i amierykanskuju naftu.
![](http://nashaniva.com/img/w732d4webp1/photos/z_2014_11/nafta04112.jpg.webp)
Analityki adznačajuć, što pryčynaj padzieńnia cany nafty stała źnižeńnie koštu jaje pastaŭki z Saudaŭskaj Aravii ŭ ZŠA i Azii, pra jaki raniej abviaściła nacyjanalnaja naftavaja kampanija Saudi Arabian Oil. Z dapamohaj takich mier saudaŭskija zdabytčyki płanujuć pavialičyć svaju dolu na amierykanskim rynku.
Jak viadoma, cana na naftu źjaŭlajecca klučavym paramietram, jaki vyznačaje deficytnaść rasijskaha biudžetu.
Kamientary