Internet-manapalist «Biełtelekam» pryznaŭsia ŭ tym, pra toje, što karystalniki zdahadvalisia, a niekatoryja, moža, i dakładna viedali, užo hod. Pošukavik Google pierastaŭ stabilna pracavać z-za ŭviadzieńnia sistemy NAT. Čamu hetaja prablema ŭźnikła mienavita ŭ Biełarusi?
Jašče hod tamu «Biełtelekam» śćviardžaŭ, što prablema źviazanaja nie ź imi, a z samim google.
«Vyniki analizu śviedčać, što prablema nie źviazanaja z funkcyjanavańniem NAT. Spynieńnie dostupu da servisaŭ Google z asobnych intervałaŭ IP-adrasoŭ było źviazanaje z palitykaj biaśpieki kampanii Google u dačynieńni da spam-rassyłak», — zajavili ŭ «Biełtelekamie» i dadali, što prablema vyrašanaja.
Ale ŭ karystalnikaŭ prablema zastałasia. Tolki praz hod jaje pryznała kiraŭnictva kampanii ŭ artykule vydańnia «Vieśnik suviazi».
«Apieratary pieradačy danych u Respublicy Biełaruś užo sutyknulisia z kančatkovym vysilvańniem nacyjanalnaha puła IPv4-adrasoŭ. Adnym z najbolš prykmietnych vynikaŭ deficytu IPv4-adrasoŭ i prymianieńnia NAT stała masavaja błakiroŭka abanientaŭ pieradačy dadzienych z boku bujnych pastaŭščykoŭ kantentu, u pryvatnaści, Google i «Jandeksa»».
«Puł IPv4 zakančvajecca va ŭsim śviecie, i heta nie tolki biełaruskaja prablema. Čamu u nas tak prajaviłasia? Heta źviazana, chutčej, ź nizkaj kulturaj vykarystańnia prahramnaha zabieśpiačeńnia, bo ŭ nas vialikaja kolkaść karystalnikaŭ maje kampjutary sa starymi pirackimi nie abnoŭlenymi sistemami i prahramnym zabieśpiačeńniem. A heta značyć, što šmat karystalnikaŭ z zaražanymi kampjutarami, i hetyja kampjutary niezaŭvažna dla karystalnika rassyłajuć toj ža spam», — havoryć IT-śpiecyjalist, ekśpiert pa kampjutarnaj biaśpiecy Alaksiej Čarniajeŭ.
Što ž takoje NAT i čamu skončylisia IP adrasy? Kali patłumačyć pa prostamu, to na kožnuju krainu ich vydajecca peŭnaja kolkaść. Ale ciapier internet jość navat u ladoŭni, tamu adrasoŭ pačało nie chapać. Dla hetaha pravajdary pačali davać adzin adras niekalkim pryładam.
Tak, adzin adras dali tysiačy kampjutaraŭ. Ale kali adzin ź ich šle spam, to prablemy z huhłam uźniknuć va ŭsich. Tamu heta i pačało masava prajaŭlacca, ličyć ekśpiert.
A moža być i jašče adna pryčyna. U Google jość peŭny paroh adnačasovych zapytaŭ z adnaho adrasa za peŭny čas, kab nie ličyć ich spamam.
«Naprykład, kali na adnym IP siadzić 900 karystalnikaŭ, to ŭsio pracuje. Kali na jaho paviesiać jašče 150, to stanie 1050 zapytaŭ adnačasova z adnaho adrasa i ŭsie 1050 karystalnikaŭ ubačać hetuju pamyłku. Abo mahła prosta vyraści kolkaść zapytaŭ u Google z-za niejkaj padziei», — kaža śpiecyjalist pa sietkavych technałohijach Siarhiej Siamikalenaŭ.
Praŭda, pry pravilnym płanavańni IPv4, u pryncypie, chapaje, tamu isnuje jašče i prablema z naładkami. Z uviadzieńniem novaj viersii pratakoła — IPv6 prablema, naturalna, adpadzie, ale kampanii pakul nie śpiašajucca pa roznych pryčynach.
«Bolšaść starajecca pačakać, pakul inšyja ŭviaduć i nabjuć sabie šyšak. Plus, pierachod na IPv6 budzie aznačać, što treba zrabić peŭnyja inviestycyi, kab abnavić abstalavańnie», — tłumačyć Alaksiej Čarniajeŭ.
Kali ŭviaduć IPv6, to adrasoŭ stanie u razy bolš za košt bolšaj daŭžyni samoha adrasa. Tady možna budzie razdać realny niaźmienny IP kožnaj pryładzie, jakaja znachodzicca ŭ internecie.
U tym ža artykule časopisa «Vieśnik suviazi» havorycca, što stvoranaja pracoŭnaja hrupa pa pierachodzie na novy pratakoł, pieršaje pasiedžańnie adbyłosia 30 kastryčnika. Ale vidać, što chutka pytańnie nie budzie vyrašana, bo patrebnyja hrošy na madernizacyju. I sam praces nie vielmi prosty — novaje abstalavańnie, soft, adukacyja supracoŭnikaŭ i adnačasovaja padtrymka staroha pratakoła.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary